"Qarşıdakı oyunlarda da bu taktiki sxemdən istifadə edəcəyik”

“Bilirdik ki, rəqib yaxşı oyun göstərir, bu oyuna ciddi hazırlaşmışdıq. Oyunda inamlı qələbə qazandıq". Futbolxeber.az-ın məlumatına görə, bu sözləri "Sumqayıt"la oyundan sonra "Rəvan"ın baş məşqçisi Ramil Əliyev deyib. Gənc məşqçi rəqibin qol vurmaq şansı olduğunu vurğulayıb: "İkinci hissədə “Sumqayıt”ın  qol vurmaq üçün imkanları var idi. Əvəzetmələrin hesabına oyunda dəyişiklik etdik, iki top vurduq. Əks-hücumda daha çox qol epizodu yaratdıq. Ümumilikdə oyundan razıyam, komandaya təşəkkür edirəm. Oyuna əvvəlkindən fərqli sistemlə çıxmışdıq. Bunun nəticəsi idi ki, xəttlər arasında anlaşılmazlıq var idi. Qarşıdakı oyunlarda da bu taktiki sxemdən istifadə edəcəyik”