"Mən vurmayım, başqası vursun, nə fərqi, təki qalib gələk”

"Oyuna hazırlıq çox yaxşı keçdi. Demək olar, oyuna tam hazırıq. Meydana yalnız qələbə üçün çıxacağıq". Futbolxeber.az-ın məlumatına görə, bu sözləri "Rəvan"ımn futbolçusu Xuan Mnauel Varea deyib.

"Rəvan"ın rəsmi saytına verdiyi açıqlamada argentinalı forvard "Sumqayıt"la oyundan danışıb: "Bu rəqiblə əvvəlki 2 oyunda fərqlənmişəm. Amma indi bunun elə bir önəmi yoxdur. Əsas komanda şəklində yaxşı oynayıb yaxşı nəticə qazanmaqdır. Qol vuracağımı əminliklə deyə bilmərəm. Çünki komanda oyununa üstünlük verirəm. Mən vurmayım, başqası vursun, nə fərqi, təki qalib gələk. Hazırda hər oyunda qələbə qazanmaq daha vacibdir. Əlbəttə, fərdi məqsədlərim də var. Amma bu heç vaxt komandanın mənafeyindən üstün ola bilməz. Qısası, yenə qol vursam, həm özüm, həm də komanda üçün əla olardı. Ancaq sırf qol üçün oynamayacam. Komanda kimi yaxşı oynasaq, şanslarım da öz-özünə yaranacaq”.