Əfran İsmayılovun zədəsi "Bakı" və millinin həkimlərini üz-üzə qoydu (ÖZƏL)

"Neftçi"yə qarşı oyunda zədələnərək, meydanı yarımçıq tərk edən Əfran İsmayılovun durumu ilə bağlı təzadlı vəziyyət yaranıb. Bu haqda Futbolxeber.az saytına Əfranın özü məlumat verib: "Müayinədən keçdim və həkimlər dedilər ki, 3 həftə məşq edib, oynamaq olmaz. Bu gün yığmanın düşərgəsində oldum. Amma yığmanın həkimləri deyirlər ki, Estoniya ilə oyuna yox, lakin Qırğızıstanla matça qədər səni hazır edəcəyik. Amma bu, təhlükəlidir".

Ə.İsmayılov özünü riskə atmaq istəmədiyini bildirib: "İnsanın birinci həkimi özüdür. Mən özüm də hiss edirəm ki, durumum yaxşı deyil. Hər şeyə qarşıdakı 1-2 gündə aydınlıq gələcək. Mən istirahət etmək istəyirəm. Çünki millinin düşərgəsinə qoşulub, səfərə yollansam, gərək komanda ilə birgə məşq edim. Məşq etsəmsə, vəziyyətim daha da ağırlaşacaq. Bəlkə də qarşıdakı oyun rəsmi matç olsaydı, riskə gedərdim. Amma Qırğızıstanla oyun yoxlama xarakteri daşıyır. Bu səbəbdən də risk etmək istəmirəm".