“Arzu Nağıyevin dəstəyini hər zaman hiss edirik”

Azarkeşləri və bu mövsümki çıxışı ilə Premyer Liqaya rəng qatan “Turan Tovuz”un oyunlarında Millət vəkili Arzu Nağıyevi görmək olur. Kluba sevgisini hər zaman nümayiş etdirən Arzu Nağıyev keçirilən bütün oyunlarda tribunada öz yerini alır. 

Futbolxeber.az saytının məlumatına görə, klubun mətbuat katibi Süleyman Tağıyev də Millət vəkilinin dəstəyini hər zaman hiss etdiklərini bildirib: 

“Arzu müəllimin dəstəyini hər zaman hiss edirik. İşlərinin çox olmasına baxmayaraq, Millət vəkilimiz bütün oyunlarımızda olub. Oyunlardan öncə komandaya uğurlar arzulayır, oyunu azarkeşlərimizlə birlikdə izləyir. Hətta son oyunda məğlub olmağımıza baxmayaraq, soyunub-geyinmə otağına gələrək öz dəstəyini bildirdi. Sağ olsun, daim problemlərimizlə maraqlanır, hər cür dəstəyini əsirgəmir. Arzu Nağıyevə bu dəstəyinə görə təşəkkürümüzü bildiririk”.