Elmar Baxşıyev: “Mövsümdə ən yaxşı oyunumuzu keçirdik”

“Mövsümdə ən yaxşı oyunumuzu keçirdik. Daim düşünülmüş şəkildə hücumda olmaq istəyirik. Bunu meydanda görə bildim”.

Futbolxeber.az saytının məlumatına görə, bu sözləri "Qəbələ"nin baş məşqçisi Elmar Baxşıyev Azərbaycan Premyer Liqasının 5-ci turunda bu gün "Zirə" ilə keçirilən oyundan sonra mətbuat konfransında deyib.

O, səfərdə uduzduqları matçı (1:2) belə şərh edib: "Komandama belə oyuna görə təşəkkür edirəm. Qələbəyə daha çox layiq idik. Futbolun özəlliyi də ondan ibarətdir ki, həmişə güclü qalib gəlmir. “Zirə” yaxşı komandadır. Onları təbrik edirəm. Öz komandama inanıram. İddiamızdan əl çəkməyəcəyik. Daha da iddialı olacağıq. O qədər epizodu dəyərləndirmirsənsə, rəqibə şans verirsən. Rəqib də demək olar 2-3 hücumdan ikisini dəyərləndirdi. Ruhdan düşməyəcəyik. Komandam sağlamdır, möhkəmdir və daha artığını etməyi bacaracaq”.