“Frayburq”un baş məşqçisi: “Qarabağ” yaxşı komandadır”

“Mən “Qarabağ”ın oyununa baxmışam. Onlar doğrudan da yaxşı komandadırlar”.

Futbolxeber.az saytının məlumatına görə, bu sözləri Almaniyanın “Frayburq” klubunun baş məşqçisi Kristian Ştrayx deyib.

“Fraybuq” dünən Bundesliqanın 5-ci turunda səfərdə “Bayer”ə qalib gələrək (3:2) 12 xalla liderliyə yüksəlib. İndi komanda növbəti görüşünü sentyabrın 8-də Avropa Liqasının qrup mərhələsinin ilk oyunu çərçivəsində evdə “Qarabağ”a qarşı keçirəcək. 

Alman mütəxəssis bildirib ki, Avropa kuboku onun komandası üçün qeyri-adi turnirdir. Ağdam klubu barədə danışan Ştrayx deyib: “Fikrimcə, maraqlı oyun olacaq”.

O bildirib ki, indi bütün fikri sentyabrın 8-də “Qarabağ”la keçirəcəkləri Avroliqa matçına yönəlib.