“Neftçi” İtaliya klubunu məğlub etdi

“Neftçi” PFK-nın U-17 komandası İtaliyanın paytaxtı Romada təşkil olunan Skopinyo Kubokunda ikinci oyununu keçirib.

Futbolxeber.az saytının məlumatına görə, Rəşad Hüseynovun yetirmələri C qrupundakı “Lodicani” ilə görüşüb.

Matç təmsilçimizin 1:0 hesablı qələbəsiylə nəticələnib. Qələbə topunu ikinci hissə başlayan kimi - 31-ci dəqiqədə Murad Məmmədov vurub.

Qeyd edək ki, "Neftçi" turnidəki ilk matçında İtaliya nəhənglərindən olan "Roma"ya minimal hesabla uduzmuşdu.

Əlavə edək ki, İtaliyanın “İnter”, “Latsio”, “Napoli”, “Salernitana”, “Ternana”, “Pol Kantalis”, “Napoli Yunayted”, Türkiyənin “Fənərbağça”, Braziliyanın “Fluminense” klublarının da iştirak etdiyi turnirə sentyabrın 2-də yekun vurulacaq.