“Sevindirici məqam odur ki, son dəqiqələrdə “Neftçi”yə qol vura bildik”

"Rapid"in (Vyana, Avstriya) futbolçusu Qvido Burqştaller Konfrans Liqasının 3-cü təsnifat mərhələsində "Neftçi"yə Bakıda uduzduqları ilk matç (1:2) barədə danışıb.

Futbolxeber.az saytının məlumatına görə, komandasının yeganə qolunu vuran  33 yaşlı hücumçu klubun televiziyasına açıqlamasında deyib:

“Birinci hissədə yaxşı çıxış etmədik, futbol oynamağa çalışmadıq. Birinci hissədə özümüzü çox çətin vəziyyətə salırdıq. Ancaq sevindirici məqam odur ki, son dəqiqələrdə qol vura bildik. Bu çox vacib idi. Çətin olsa da, hər şey cavab matçı üçün hələ də açıq qalır. Evə 0:2 hesabı ilə qayıtmaq çox acı olardı. İndi cavab görüşündə yaxşı performans göstərməliyik. Bunu bacaracağımızı bilirik".

Qeyd edək ki, bu komandalar arasında cavab oyunu avqustun 11-i Avstriyada olacaq.