"Qarabağ" - "Bazel" oyunun hakimi: “Neftçi”nin məğlubiyyətini, millimizin böyük hesablı qələbəsini görüb

Konfrans Liqasının qrup mərhələsinin 1-ci turu çərçivəsində keçiriləcək "Qarabağ" - "Bazel" oyununu Belçika Futbol Federiyasından Erik Lambrexts idarə edəcək.

Futbolxeber.az saytının məlumatına görə, belçikalı referi 2014-cü ildən FİFA hakimidir. O, karyerası ərzində 57 beynəlxalq görüş idarə edib.

Həmin matçlardan biri Azərbaycan klubunun iştirakı ilə olub. Belə ki, Erik Lambrexts 2016-2017 mövsümündə Avroliqanın ikinci təsnifat mərhələsi çərçivəsində keçirilən “Şkendiya” - “Neftçi” matçının baş hakimi olub. “Neftçi”nin 0:1 hesablı məğlubiyyəti ilə yekunlaşan görüşdə belçikalı referi təmsilçimizin futbolçularına 4 sarı və 1 qırmızı vərəqə göstərib.

2019-cu ildə isə Erik Lambrexts 19 yaşadək futbolçulardan ibarət milli komandamızın seçmə mərhələ çərçivəsində 2 görüşü idarə edib. Lambrextsin idarə etdiyi ilk matçda yığmamız İsrailə 1:4 hesabı ilə uduzub, növbəti görüşdə isə Lixtenşteyni 3:0 hesabı ilə üstələyib. Hazırda “Qarabağ”da çıxış edən Elvin Cəfərquliyev və Toral Bayramovun həmin qarşılaşmaların iştirakçısı olublar. Lixtenşteytnlə matçda Erik Lambrexts Toral Bayramovu sarı vərəqə ilə cəzalandırıb.  

Xatırladaq ki, Bakı Olimpiya Stadionunda sentyabrın 16-sı keçiriləcək “Qarabağ” - “Bazel” görüşü saat 20:45-də başlayacaq.