17 Sentyabr 2021, Cümə
UEFA reytinqində neçənciyik?
Qurbanov: “Çatışmayan bir qol idi”
“Qarabağ”dan qolsuz bərabərlik
Yüksək Liqanın püşkü atıldı

Ölkə futbolu

“Kəpəz”in hədəfi çempionluqdur”

"Hədəfimiz böyükdür, məqsədimiz çempionluqdur. İnanırıq ki, bu mövsüm komandamız yaxşı nəticə göstərəcək və azarkeşləri sevindirəcək”.

Futbolxeber.az saytının məlumatına görə, bu fikirləri “Kəpəz”in icraçı direktoru İlqar Nadiri klubun mətbuat xidmətinə açıqlamasında bildirib.

Klub rəsmisi transfer siyasətində də işi bu istiqamətdə qurduqlarını deyib: “Qarşıya qoyulan hədəfi həyata keçirmək üçün əməli addımlar atmışıq. İlk növbədə yay transfer dövründə bir neçə tanınan təcrübəli futbolçunu heyətə cəlb etdik. Onların arasında elita təcrübəsinə malik simalar da var. Bu oyunçular da ümid edirik ki, “Kəpəz”in uğurlu nəticə göstərməsinə kömək edəcəklər”.

İlqar Nadiri “Kəpəz”in ən böyük dəyərinin onun azarkeşləri olduğunu vurğulayıb: “Həmişə “Kəpəz” azarkeşləri ilə fərqlənib. Klubun köklü tarixi kimi böyük azarkeş ordusu da var. Fanatlarımız komandanın nəticəsindən asılı olmayaraq “sarı-göylər”in yanında olublar və yüksək yerlərdə görmək istəyiblər. Dəstəyə görə onlara minnətdarıq. “Kəpəz”i dəyərli, qiymətli edən onun azarkeşləridir”.

Klub rəhbəri yeni mövsümdən stadionlara azarkeşlərin buraxılması məsələsinə də toxunub: “Xoş bir haldır ki, artıq stadionlara tamaşaçı buraxılır. Bu qərar təbii olaraq ən çox bizi sevindirir. Çünki “Kəpəz” azarkeşi komandasını tribunadan dəstəkləyir. İnşallah, çempionat ərzində oyunlarımız zamanı fanatlarımızı doğma arenamızda gözləyəcəyik. Komanda da onlara layiq şəkildə mübarizə aparıb, qələbələrlə gəncəliləri sevindirəcək”.

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Sentyabr 2021
B.eÇ.aÇC.aCŞB
01 02 03 04 05
06 07 08 09 10 11 12
13 14 15 16 17 18 19
20 21 22 23 24 25 26
27 28 29 30