Ölkə futbolu
Qurban Qurbanov: “Futbolçular bu gün çox əziyyət çəkdilər”

“Milli Mətbuat Günü münasibətilə hamınızı təbrik edirəm. Bu gün sizə qələbə hədiyyə etmək istəyirdik, alınmadı".
Futbolxeber.az saytının məlumatına görə, bu sözləri “Qarabağ”ın baş məşqçisi Qurban Qurbanov Konfrans Liqasının 2-ci təsnifat mərhələsində “Aşdod”la keçirilən oyundan (0:0) sonra mətbuat konfransında deyib.
- Futbolçular bu gün çox əziyyət çəkdilər. Yaxşı müdafiə olunan komandaya qarşı oynadıq. Son 10-15 dəqiqəni nəzərə almasaq, yüksək tempdə çıxış etdik. Uşaqlar çox çalışdılar, intizamlı oynadılar. "Aşdod" da təhlükəli əks-hücuma keçən komandadır. Elə bu əks-hücumdan Maksim Medvedev qırmızı vərəqə aldı. Problemlərə baxmayaraq, cavab görüşündə ən yaxşı oyunu göstərməyə çalışacağıq.
- Cavab oyununda müdafiənin mərkəzində kimi oynadacaqsınız?
- Hələ vaxtımız var. Bəzi matçlarda Qara Qarayevi həmin mövqedə oynatmışıq. Bu barədə düşünürük. Təəssüf ki, müdafiəçilərimiz bir-bir sıradan çıxır. Sonuncu dəfə nə vaxt belə halla üzləşdiyim yadıma gəlmir. Pandemiyadan əvvəlki dönəmdə olmuşdu, onda da Qaranı orada oynatmışdıq. Bu gün üçün Qaranın çıxışı daha real görünür.
- Rəqibin baş məşqçisi də oyundan əvvəl sizi favorit görürdü. Düşünmürsünüz ki, bu heç-heçə onlara əlavə inam verdi?
- Dünya futboluna nəzər yetirsək, komandaların gücləri bərabərləşməyə doğru gedir. Bu, həm milli, həm də klub səviyyəsində belədir. Bizim öz oyun üslubumuz və heyətimiz var. Amma bəzən dəyişmək lazım gəlir. Bu gün bizdə bu dəyişikliklər gedir. Hər il bir mövqe üçün oyunçu axtarırdıqsa, bu gün hər mövqeyə axtarırıq. Bəzi oyunçular 13-14 ildir komandadır. Düzdür, rəqib buradan bərabərliklə qayıtdı. Amma düşünürəm ki, oyunumuzu daha da yaxşılaşdıra bilərik. Onlara da nadir halda hücum şansı verdik. Cavab görüşündə həmin inamı onların əlindən almağa çalışacağıq.
- "Neftçi" və "Qarabağ"da heyətlə bağlı problem eynidir. Deyilənə görə, əcnəbi futbolçular Azərbaycana gəlmək istəmir. Halbuki 10-15 il əvvəl gəlirdilər. Problem maliyyədədir?
- Azərbaycan reallığında bəlkə də, olmayan təkliflər etmişik. Böyük klubların ayrıca transfer büdcəsi olur. Bizim klublar da o səviyyəyə gəlib çıxmalıdır. İkincisi, istədiyimiz futbolçuların 80-90 faizi Azərbaycana gəlmək istəmir. Bilmirəm bu, pandemiya ilə bağlıdır, yoxsa özlərini daha yaxşı liqalarda görmək istəyirlər. Çox detallarda razılaşırıq, amma son anda fikirlərini dəyişib, deyirlər ki, gəlmək istəmirik. Yəqin ki, "Neftçi" də bu halla üzləşib. Bir neçə il əvvəl oyunçu gətirmək çox rahat idi. Klublarımıza böyük liqalardan güclü futbolçular çox rahat şəkildə gəlirdilər. Bəzi ölkələr çempionatlarında limiti aradan qaldırdılar. Hər klubda 18-20 legioner olur. Bu bizim üçün problemdir. Əlimizdəki oyunçuları qorumaq və öz oyunumuzu yaxşılaşdırmaq çox vacibdir. İkinci hissədə meydana buraxacaq oyunçumuz az idi. Biri zədədən qayıdıb, biri formada deyil. Çoxdan idi bu cür oyun keçirməmişdik. Məsələn, Zubir son 4-5 məşqdə kollektivlə birgə iştirak edib. Sanki hər şey bizim üzərimizə gəlir. Buna baxmayaraq, topa nəzarəti, öz oyun fəlsəfəmizi futbolçulara aşılayırıq. Mən burada oldum-olmadım, bu sistem qalmalıdır. Məsələn, "Barselona" heyətini itirdi, oyununu qaytara bilmədi. Həmçinin "Real" məşqçisini dəyişdi, sistem də dəyişdi. Bizdə neçə il idi hər şey düşündüyümüzdən də yaxşı alınırdı. Sadəcə, çox çalışmaq lazımdır. İnşallah, bizim çempionata gələn, çempionatımızı düşünən oyunçular çox olacaq.
- Həmkarınız dedi ki, İsraildə daha yaxşı meydançalar var. Meydança oyuna nə qədər təsir etdi?
- Bəli, meydança problemi var idi. Futbolçular topla rəftarda çətinlik çəkirdilər, ötürmələrdə səhvlər edirdilər. Yaxşı meydançada daha yaxşı oynamaq olar.
- 7 illik ənənəvi Çempionlar Liqasından sonra Konfrans Liqasında iştirakın psixoloji təsiri varmı?
- Mütləq təsiri var. Amma biz Çempionlar Liqasına vəsiqə qazanmaq üçün də neçə il mübarizə apardıq. Klub olaraq get-gedə böyüyürük. İstədiyimiz nəticələr həmişə olmur. Məsuliyyətlə turnirə başlamışıq və Konfrans Liqasında yaxşı nəticələr qazanmaq istəyirik. Məncə, futbolçularda psixoloji təsir keçib. Artıq iki aya yaxın vaxt keçib. Hamımız Avropa turniri və azarkeşlər üçün darıxmışdıq. Qarşıdakı matçlarda yaxşı çıxış üçün daha çox çalışmalıyıq.
- "Qarabağ"ın hansı sabiq futbolçusuna əvəzləyici tapmaqda çətinlik çəkirsiniz?
- Keçmişdə burada oynayanların. Onların 11-i də bir-birini tamamlayırdı. Bəzən tapşırığından daha yaxşısını meydanda edən futbolçular olur. Xavi, İnyesta kimi futbolçular sistemi daha da gözəlləşdirən simalardır. Bəlkə yaxın aylarda, illərdə belə bir kollektiv yenidən quracağıq. Keçən il qrupdakı oyunlarda futbolçulardan tam razı qalmışdım. Nəzərə alaq ki, ev oyunlarını neytral meydanda keçirdik. Bütün oyunlarda yaxşı çıxış etmişdik. Amma son iki ayın içində zədələr planlarımıza təsir etdi. Adi işdə də bəzən xəstələnirsən, bir həftə işə çıxmırsan. Futbolda da belə olur.
- Cavab görüşündə daha hücumameyilli oynamalı olacaqsınız. Bu riskə gedəcəksiniz?
- Belə getsə, 2 müdafiəçi ilə oynamalı olacağıq, hamını hücuma buraxacağam (gülür). "Aşdod" kimi komandalar çox yaxşı müdafiə olunur, əks-hücum qurur və rəqibi təhlil edir. Biz heç vaxt futbolçularda müdafiədən oynamaq düşüncəsi yaratmamışıq. Topa sahib olmaqla, öz üslubumuzla rəqib qapısına yaxınlaşmağa çalışırıq. Abbas Hüseynov qapının 5 metrliyində idi, Toral Bayramov dirəyə yaxın oynayırdı. Bəzən ad olaraq deyirlər ki, iki hücumçu meydana buraxmaq lazımdır. Amma bu gün bizdə hər kəs bir tərəfdən hücumu gücləndirirdi. Rəqibə qalib gəlmək üçün ilk növbədə onun qarşısını almalıyıq. Bunu bəzən müdafiədə, bəzən hücumda edirik. "Aşdod" istəkli komandadır, ildən-ilə inkişaf edir. İntizamlı oyunu sayəsində çempionatlarında 3-cü yeri tutub. Qarşıda 5-6 günümüz var. Ramil, Zubir, Ozobiç daha yaxşı formada olacaq. Təbii ki, müdafiəni də yaddan çıxarmaq olmaz. Say olaraq meydanda 11 nəfərlə görünə bilərik. Amma hər oyunçunun öz bacarığı var. Məsələn, Qara o mövqedə Maksimdən gözlədiyimizi verməyə də bilər.
- Ramil Şeydayevin bugünkü çıxışı sizi qane etdi?
- Ramildən bu gün tam razı ola bilmərəm. Meydana 100 faiz hazır çıxmamışdı. 3-4 gün fərdi məşq etdi, sonra yavaş-yavaş kollektivə qoşuldu. Bu gün istəsə də, tam oyununu sərgiləyə bilməz. Həm çempionatı, həm limit məsələsini, həm heyəti düşünürük. Ramil ilk növbədə fiziki cəhətdən hazır olmalıdır. Bəzi məqamlarda zəif ola bilər. Amma işgüzarlığı ilə bunu aradan qaldıra bilir. Onda istək var. Onun yaxşı formaya düşməsi üçün əlimizdən gələni edəcəyik.
- Mussa əl-Tamari "Qarabağ"a gəlib?
- Xeyr, gəlməyib.
- Ötən mövsüm "Mölde" səddini penaltilər seriyasında keçə bilmədiniz. Bu dəfəki məşq proqramınızda penaltilərə hazırlaşacaqsınız?
- Məndə belə bir düşüncə var ki, futbolçuları 3-4 gün əvvəl penaltilərə hazırlamıram. Bu, oyunçularda psixoloji gərginlik yaradır. Amma mövsümboyu futbolçuları bilmədən buna hazırlayıram, hətta özüm də zərbə vururam. Özüm də bununla kimin nəyə qadir olduğunu bilirəm (apasport.az).

Şərh yazılmayıb
|
ŞƏRH YAZ
|
Çox oxunan xəbərlər
- “Neftçi”nin yeni transferi artıq Bakıdadır - EKSKLÜZİV
- “Neftçi” daha iki transferi rəsmiləşdirdi - ÖZƏL
- “Turan Tovuz” “Benfika”nın yetirməsini transfer edir - EKSKLÜZİV
- Firuz Abdulla: “Ümidvarıq ki, turnir cədvəlində əlifba sırası “Səbail”in “S”-i ilə pozulacaq”
- “Kəpəz”dən ayrılan futbolçu “Səbail”də - ÖZƏL
- “Kəpəz” yeni baş məşqçisi ilə bu gün müqavilə imzalayır
- “Neftçi” qızıl medallara qovuşdu
- AFFA fil qulağında yatır...
- “Kəpəz” ölkə xaricindən məşqçi gətirir
- Emin Ağalarov: “Minifutbol millimizlə fəxr edirəm” - EKSKLÜZİV
- “Baku Fire”in məşqçisi diplom aldı
- Vüqar Nadirovla yolları ayıran “Şəmkir”də yeni baş məşqçi
- “Sabah”dan ayrılan İrasabal sabiq “Neftçi”linin yanına yollandı
- Lionel Messi millimizi təbrik edib
- Riad Rəfiyev Harvard Biznes Məktəbinin proqramına qəbul olunub
-
18:24
"Çelsi" 23 yaşlı hücumçunu heyətinə qatdı
-
17:32
Ansu Fati rəsmən "Monako"da
-
17:15
“Araz-Naxçıvan”ın yeni hücumçusu: "Aris”ə qarşı şansımız var"
-
16:59
“Qarabağ” “Tvente” və “Zalsburq”la qarşılaşacaq
-
16:46
“Zirə”nin rəqibi daha 3 futbolçusu ilə yolları ayırdı
-
16:00
Azərbaycan millisi EEVZA çempionatında pley-offa yüksəlib
-
15:31
“Sele” yarımmüdafiəçi ilə gücləndi
-
15:18
"Azərreyl"də yeni müqavilə
-
14:57
"Zirə" 4-cü transferini reallaşdırdı
-
14:24
"Hayduk"da ayrılıq
-
14:02
“Gəncə” amerikalını transfer edib
-
13:45
Hamidu Keyta “Araz-Naxçıvan”da
-
13:19
Çempionlar Liqası: "Araz-Naxçıvan" 5-ci səbətdə
-
12:53
“Zirə”də 18 yaşlı legioner
-
12:06
Günün canlı yayımlanacaq matçları - TV AFİŞA
-
11:31
"Əl-Hilal" "Mançester Siti"ni evə göndərdi VİDEO
-
10:48
Vüqar Nadirovla yolları ayıran “Şəmkir”də yeni baş məşqçi
-
10:27
Bakı çempionatının qalibləri məlum olub
-
10:14
“Zəfər Kuboku” adlı karate turniri keçiriləcək
-
09:52
"İnter"dən dünya çempionatına erkən vida VİDEO
-
09:30
FİDE reytinqi: Şəhriyar 11-ci, Teymur 38-cidir
-
23:42
“Qəbələ” təlim-məşq toplanışına start verdi
-
23:25
“Zirə”nin rəqibi qələbə qazandı
-
22:07
“4:0 hesabı ilə qalib gəlsəydik də, mənim üçün dəyişən nəsə olmayacaqdı”
-
21:54
Rəşad Sadıqovdan “Neftçi” rəhbərliyinə təşəkkür
-
21:38
Qurban Qurbanov: “Bunun üzərinə ciddi düşmüşük”
-
21:11
“Səbail”in hücumçusu legioner həyatı yaşayacaq - ÖZƏL
-
19:49
"Qarabağ" "Zirə"yə qalib gəldi
-
18:00
Renat Dadaşov Polşa klubundan ayrıldı
-
17:36
Azərbaycan millisinin Türkiyədəki təlim-məşq toplanışına yekun vurulub
-
16:55
Millimizin qapıçısı Qazaxıstan klubundan ayrılıb
-
16:12
“Selye” qapıçı transfer edib
-
15:47
"Formula 1" Azərbaycan Qran-prisinin vaxtı dəyişdirilib
-
15:29
Malili futbolçu “Qarabağ” və “Araz-Naxçıvan”ın hədəfində
-
15:00
Bakıda “Gimnastika hamı üçün” üçüncü beynəlxalq festival keçirilib
-
14:31
Fransa klubunda qadın prezident
-
14:14
Azərbaycanlı hakim dünya çempionatına təyinat alıb
-
13:58
Çarles Boli: “Koffi və Zubir “Araz-Naxçıvan” haqda müsbət fikirlər səsləndirdilər”
-
13:43
Azərbaycan akrobatları Dünya Kubokunda iki gümüş medal qazanıblar
-
13:22
“Sumqayıt”ın “Yay Futbol Düşərgəsi” layihəsində sonuncu mərhələ başlayıb
-
13:06
“Neftçi” “Kappa” ilə anlaşdı
-
12:37
“Beşiktaş” “Roma”nın hücumçusunu transfer edir
-
12:19
Bakıda gənc basketbol hakimləri üçün təlim proqramına start verilib
-
11:45
"Kəpəz" daha üç futbolçunun gedişini açıqladı
-
11:21
Azərbaycan klubunda braziliyalı baş məşqçi
-
11:08
"Flamenqo" - "Bavariya" matçında 6 qol vuruldu VİDEO
-
10:53
"Milan" hücumçusu ilə vidalaşdı
-
10:36
PSJ Messinin komandasını darmadağın etdi VİDEO
-
10:24
“Araz-Naxçıvan”ın yeni transferi: “Land of fire Azerbaijan” əla layihə idi”
-
10:12
Azərbaycan boksçusu Gürcüstanda gümüş medal qazanıb
01.07.2025
30.06.2025
Arxiv
Iyul 2025 |
B.e | Ç.a | Ç | C.a | C | Ş | B |
01 | 02 | 03 | 04 | 05 | 06 | |
07 | 08 | 09 | 10 | 11 | 12 | 13 |
14 | 15 | 16 | 17 | 18 | 19 | 20 |
21 | 22 | 23 | 24 | 25 | 26 | 27 |
28 | 29 | 30 | 31 | |||













