"Soçi"nin baş məşqçisi: "Keşlə"nin qapıçısı möcüzə yaratdı"

“Oyunun əvvəli mübariz ruhda keçdi. Rəqib heç nədə uduzmaq istəmirdi”.

Futbolxeber.az saytının məlumatına görə, bu sözləri “Soçi”nin baş məşqçisi Vladimir Fedotov Konfrans Liqasının 2-ci təsnifat mərhələsinin “Keşlə” ilə ilk oyunundan sonra keçirilən mətbuat konfransında deyib.

O, 3:0 hesablı qələbəni belə şərh edib: “Həmişə olduğu kimi, ilk 10 dəqiqə qarışıqlıq. Amma biz standart vəziyyətdən hesabı açdıq. Sonra çox sayda epizodlar oldu. Hücumların sonluğunda düzgün oynamırıq. Soyuqqanlılıq çatmırdı. Rəqib qapıçı möcüzə yaratdı. Deyərdim ki, o, futbol qəhrəmanlığı nümayiş etdirdi”.