20 Sentyabr 2021, Bazar ertəsi
UEFA reytinqində neçənciyik?
Qurbanov: “Çatışmayan bir qol idi”
“Qarabağ”dan qolsuz bərabərlik
Yüksək Liqanın püşkü atıldı

Ölkə futbolu

"Aşdod"un baş məşqçisi: "Hesab bizi qane edir"

"Yaxşı müdafiə olunduq. Hesab bizi qane edir. Cavab oyununda sıfırdan başlayacağıq. Keyfiyyətli komandaya qarşı oynadıq".
 
Futbolxeber.az saytının məlumatına görə,  bu fikirləri İsrailin "Aşdod" komandasının baş məşqçisi Ran Ben Şimon Bakıda "Qarabağ"la qolsuz heç-heçə etdikləri UEFA Konfrans Liqasının II təsnifat mərhələsinin ilk oyunundan sonra mətbuat konfransında deyib.
 
51 yaşlı mütəxəssis ot örtüyünün bərbad olduğunu bildirib: "İsraildə meydanlar bundan daha yaxşıdır. Rəqibin Avstriyadakı yoxlama oyunlarını izləmişdik. "Qarabağ" bu gün topla yaxşı oynasa da, müdafiə xəttimizi yarmağa çətinlik çəkirdi. Cütün taleyi cavab matçında həll olunacaq. Bu gün müdafiə olunduq, cavab oyununda hər iki komanda hücum futbolu oynayacaq və tamam fərqli oyun görəcəyik. Yaxşı nəticə əldə edəcəyimizə ümid edirəm".
 
Şimonun sözlərinə görə, ot örtüyü hər iki komandanın oyununa təsir edib.
 
İsrailli baş məşqçi görüşdən sonra Qurban Qurbanovla görüşməməsi haqqında bunları söyləyib: "Qurban Qurbanov baş məşqçidir. Mən matçdan sonra futbolçulara tərəf getdim. Mətbuat konfransından sonra onunla görüşəcəyəm. Sadəcə, komandamı oyundan sonra təbrik etmək istəyirdim".
 
Mütəxəsssi "Qarabağ" ev oyunlarını Ağdamda keçirsə, ora getməyə razı olacaqsınızmı" sualına belə cavab verib: "Mən idmanı təmsil edirəm və sülhün tərəfdarıyam. İstəyərəm ki, "Qarabağ" doğma meydanda oynasın. İdmanı siyasətə qatmağı xoşlamıram" ("Report").



Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Sentyabr 2021
B.eÇ.aÇC.aCŞB
01 02 03 04 05
06 07 08 09 10 11 12
13 14 15 16 17 18 19
20 21 22 23 24 25 26
27 28 29 30