4 Avqust 2021, Çərşənbə
Almeyda “Qarabağ”a qayıtdı
“Neftçi” HİK-i qəbul edir (YENİLƏNİR)
Şəhriyar Aronyanla heç-heçə etdi
Kapitan: “Qalib gəlmək istəyirik”

Ölkə futbolu

“Soçi”nin baş məşqçisi: “Keşlə” haqda məlumatımız azdır”

"Keşlə"nin Konfrans Liqasının 2-ci təsnifat mərhələsindəki rəqibi "Soçi"nin baş məşqçisi Vladimir Fedotov sabah Azərbaycan təmsilçisi ilə keçirəcəkləri ilk matç haqqında danışıb.

Futbolxeber.az saytının məlumatına görə, o, görüşdən öncə təşkil olunan mətbuat konfransında oyuna yaxşı hazırlaşdıqlarını bildirib:

"Komandamızda çox yüksək əhval-ruhiyyə var. Azarkeşlərimizi avrokubokların başlaması münasibətilə təbrik edirəm. Hazırlıq mərhələsi bitdi. Yaxşı məşq etdik. Sabah bütün gücümüzü azarkeşlərin önündə meydana qoyacağıq. Bu, gənc klubumuz üçün debütdür. Təcrübəli futbolçularımız çoxdur. Kifayət qədər hazırlıq keçməyimiz bizə özümüzü inamlı hiss etmək imkanı verir. Maç öncəsi həyəcan normaldır. Doğru yoldayıq, özümüzü inamlı hiss edirik".

Fedotov "Keşlə" barədə kifayət qədər məlumata sahib olmadıqlarını deyib:

"Bütün rəqiblərimizə hörmət edirik. "Keşlə"ni analiz etməyə çalışdıq. Amma bu komanda haqqında məlumatımız azdır. Onların bir neçə futbolçusu klubdan ayrıldı. Həm də bir sıra oyunçular gəlib. Yeni tərkiblə 3 matç keçirdilər. Ancaq analiz üçün bir video tapa bilmədik. Bu səbəbdən çox məlumat toplaya bilmədik. Onlar bütün matçlarını Azərbaycandan olan klublarla oynayıblar. Futbolçular ilə bağlı məlumatlara da ayrı-ayrılıqda baxdıq. Kimin favorit olduğunu demək çətindir. Amma evdə oynayacağımız üçün üstünlük bizim tərəfimizdə olacaq. Kimin favorit, kimin ikinci olduğunu yaşıl meydan göstərəcək".

Qeyd edək ki, sabah Rusiyada keçiriləcək "Soçi" - "Keşlə" matçı Bakı vaxtı ilə saat 20:00-da başlayacaq. Cavab oyunu isə iyulun 29-u Bakıda olacaq.

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Avqust 2021
B.eÇ.aÇC.aCŞB
01
02 03 04 05 06 07 08
09 10 11 12 13 14 15
16 17 18 19 20 21 22
23 24 25 26 27 28 29
30 31