“İnanıram ki, sabah yenə Babakarın şəklini görəcəksiniz”

“Bura nə üçün gəldiyimizi bilirik. Bu matça çox yaxşı hazırlaşmışıq. İnşallah, sabah gözəl oyun nümayiş etdirəcəyik”.

Futbolxeber.az saytının məlumatına görə, bu sözləri “Neftçi”nin müdafiəçisi Mamadu Mbodj deyib.

Çempionlar Liqasının II təsnifat mərhələsi çərçivəsində “Olimpiakos”a qarşı keçiriləcək matçdan öncə təşkil olunan mətbuat konfransına qatılan seneqallı müdafiəçi yenə azarkeşlərin Babakarın şəklini görəcəklərinə ümid etdiyini bildirib:

“Futbolda bu cür hallar baş verə bilər. Ümid edirəm ki, sabah öyrəşdiyiniz Mbodjdan daha güclü Mbodj görəcəksiniz. İnanıram ki, sabah yenə Babakarın şəklini görəcəksiniz. Həm Bask, həm də Basto çox yaxşı transferlərdir, güclü futbolçulardır. Məqsədimizə çatmaq üçün onlar gücümüzə güc qatacaqlar”.