4 Avqust 2021, Çərşənbə
Almeyda “Qarabağ”a qayıtdı
“Neftçi” HİK-i qəbul edir (YENİLƏNİR)
Şəhriyar Aronyanla heç-heçə etdi
Kapitan: “Qalib gəlmək istəyirik”

Ölkə futbolu

Samir Abasov: “... hər şey yaxşı olacaq”

"Artıq meydana daxil olanda klubun böyüklüyü, əzəməti görünürdü. Sabah hansı komandaya qarşı oynayacağımız meydana ilk addımı atandan bəlli olur. Rəqib haqda uzun-uzadı danışmaq istəmirəm, sadəcə, onu deyim ki, “Olimpiakos” bu cür turnirlərə alışıb. Keçən il Avropada göstərdiyi oyun bu klubun məqsədinin, böyüklüyünün göstəricisidir”.

Futbolxeber.az saytının məlumatına görə, bu sözləri “Neftçi”nin baş məşqçisi Samir Abasov UEFA Çempionlar Liqasının II təsnifat mərhələsinin ilk görüşü çərçivəsində səfərdə “Olimpiakos”a qarşı oyunöncəsi mətbuat konfransında deyib.

O, komandasında gərginlik olmadığını bildirib: “Bizi təcrübəli, heyətində çox keyfiyyətli futbolçular olan komandaya qarşı çətin oyun gözləyir. Bununla belə, çox rahatıq. İlk mərhələdən fərqli olaraq, həm fiziki cəhətdən, həm də oyun baxımından özümüzə gəlməyə başlamışıq. Bu cür oyunlar formaya tez düşməyimizə kömək edir. “Neftçi” olaraq uzun müddət Çempionlar Liqasından uzaq qaldığımızı nəzərə alsaq, sabah hər bir halda yaxşı təcrübə toplayacağıq. Bundan sonrakı rəqiblərimizin də aşağı-yuxarı eyni gücdə olması bizim üçün yetərincə təcrübə olacaq. Bu, bizə qarşıdakı matçlarda kömək ola bilər. Sabahkı oyun üçün psixoloji vəziyyətimiz də kifayət qədər yerində olmalıdır ki, rəqibə qarşılıq verə bilək. İnanıram ki, hər şey yaxşı olacaq”.

Samir Abasov qeyd edib ki, komandası güclü rəqibə qarşı ilk növbədə psixoloji cəhətdən hazır olmalıdır: “Bu cür rəqiblərlə ilboyu bir dəfə qarşılaşırıq, çempionatımız isə tamam fərqlidir. Sabah rəqibin oyunundan da çox şey asılı olacaq. Ən birinci psixoloji hazır olmalıyıq. Daha çox qaçmalıyıq”.

“Neftçi”nin çalışdırıcısı transferlər barədə də danışıb: “Cavab matçına kimi transfer gözlənilmir. Yeni transferlərdən Huqo ilə müqayisədə, Romen daha hazırlıqlıdır. Çünki əvvəlki komandası ilə mütəmadi olaraq məşq edib, toplanış keçib. Bura gəlməzdən əvvəl 5-7 gün məşqsiz qalıb. Məşqlərdə göstərdikləri ürəkaçandır. Huqo isə daha çox fərdi məşq edib ki, bu da komanda halında məşqlərdə sezilir”.

Abasov Vətənə sərfəli nəticə ilə dönəcəklərinə inandığını vurğulayıb: “Bakıya sərfəli nəticə ilə dönəcəyimiz realdır. Buna inanırıq. Rəqibin oyunlarına baxmışıq. Çempionat bitəndən sonra yaxşı komandalara qarşı 5-6 sınaq matçı keçiriblər. Əl-qolumuzu sallamayacağıq. Ümid edirəm ki, cavab oyununa daha şanslı qayıdacağıq. Yeni transferlərə ehtiyacımız var. Xüsusilə hücum xəttində güclənməliyik. Futbolçu azlığı baxımından da əziyyət çəkirik. Tranfer işlərimiz davam edir. Hücumçu və bəzi mövqelərə də futbolçu axtarışındayıq. Yaxın zamanda 1-2 oyunçunu transfer eləməyi düşünürük. İlk mərhələni keçmək üçün həyacan var idi. İndi isə həmin mərhələni keçdiyimiz üçün rahatıq. Gərgin olmağa bir səbəb yoxdur. Bütün bacarığımızı ortaya qoyacağıq. Ən azı rəqibə problem yaşatmağa çalışacağıq. Heç kimdən məsləhət almamışam, rəqibi köməkçilərimlə təhlil etmişik. Onların köməyi kifayət qədərdir. Hər birimiz bacardığımızı edirik”.

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Avqust 2021
B.eÇ.aÇC.aCŞB
01
02 03 04 05 06 07 08
09 10 11 12 13 14 15
16 17 18 19 20 21 22
23 24 25 26 27 28 29
30 31