31 Iyul 2021, Şənbə
“Sumqayıt” “Qarabağ”a məğlub oldu
Boksçumuz olimpiadanın yarımfinalında
Tokio-2020: Cüdoçumuz mükafatlandırıldı
Tokioda ilk medalımızı qazandıq!

Ölkə futbolu

Kamran Quliyev: "Türkiyə klubları futbolçularımızla maraqlanır"

"Qalatasaray"ın ayağı bizə düşərli oldu. Onlarla qarşılaşdığımız mövsüm çempion olduq. Son dəfə 2013-cü ildə bu hissi yaşamışdıq. 8 illik həsrətə son qoyduq".

Futbolxeber.az saytının məlumatına görə, bu fikirləri "Neftçi"nin prezidenti Kamran Quliyev "beIN Sports" telekanalına açıqlamasında deyib.

O bildirib ki, Azərbaycan Premyer Liqasında qızıl medala sahib çıxdıqları üçün çox xoşbəxtdirlər: "Mayın 19-da son matçımız var idi. Həmin gün Türkiyədə də əlamətdar gündür, Cumhuriyyet bayramıdır. Son qarşılaşmanın axırıncı dəqiqəsində türk əsilli bolqar oyunçu Ahmed Ahmedov qol vurdu. Bizim azarkeşlər də çempionluq üçün çox xoşbəxtdir. Təəssüf ki, eyni sevinci Türkiyə millisinin oyunlarından sonra yaşaya bilmədik".

Quliyev Türkiyə yığmasının məşq üçün "Bakcell Arena"nı seçməsinə də toxunub: "Türkiyə öz evindədir. Evində istədiyi meydan və təlim-məşq bazasından istifadə edə bilər. Onların bu arenadan yararlanması bizim üçün qürurdur. Ötən ilin noyabrında millinin baş məşqçisi Şenol Güneş stadiona gəlmişdi və biz görüşdük. Həmin vaxt o, "Bakcell Arena"nı bəyəndi".

Klub prezidenti türkiyəli oyunçuların "Neftçi"yə mümkün keçidləri barədə sualı da cavablandırıb: "Türkiyə Super Liqasını və I Liqanı yaxından izləyirik. Bizə tövsiyə olunan futbolçular da var. İnanmaq istərdim ki, nəinki Türkiyədən buraya, Azərbaycandan da Türkiyəyə futbolçular gedəcək. Hazırda bizim futbolçularla maraqlanan Türkiyə klubları var. Türkiyə və Azərbaycan yığmaları arasındakı yoldaşlıq oyunundan sonra bir neçə futbolçu ilə bağlı bizə müraciətlər ünvanlandı. Agentlər və klublar maraqlanır, bu, yaxşı haldır. Futbolçularımız Türkiyə Super Liqasında çıxış etsələr, biz də çox xoşbəxt olarıq".

Quliyev azərbaycanlı futbolçuların və onlarla maraqlanan klubların adlarını çəkmək istəməyib: "Neftçi"nin oyunçusu və ya hansısa azərbaycanlı futbolçu Superliqaya getsə, xoşbəxt olarıq" ("Report").

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Iyul 2021
B.eÇ.aÇC.aCŞB
01 02 03 04
05 06 07 08 09 10 11
12 13 14 15 16 17 18
19 20 21 22 23 24 25
26 27 28 29 30 31