29 Mart 2024, Cümə
Ağabala Ramazanov qayıtdı - FOTO
"Zirə"dən ardıcıl 15-ci qələbə
“Səbail”in hücumçusu: 1 qol, 2 qələbə
U-21 millimiz Ukraynaya da uduzdu

Ölkə futbolu

Elxan Məmmədov: "Qardaş Türkiyə azarkeşlərini səbirsizliklə gözləyirik"

AFFA-nın icraçı vitse-prezidenti Elxan Məmmədov "Anadolu" agentliyinə açıqlama verib.
 
Futbolxeber.az saytının məlumatına görə, o, AVRO-2020-nin Bakıda keçiriləcək oyunları barədə danışıb. 
 
Milli assosiasiya rəsmisi xatırladıb ki, matçların oynanılacağı Bakı Olimpiya Stadionuna arenanın ümumi tutumunun 50 faizi qədər azarkeş buraxılacaq: "Əsl futbol bayramı yaşayacağıq. Avropa çempionatını səbirsizliklə gözləyirdik. Əslində ötən il olmalı idi, amma pandemiya səbəbindən bir il təxirə salındı. Stadionun 50 faizi tutumunda azarkeşlər matçlara buraxılacaq. Bu, koronavirusla bağlı ölkədəki vəziyyətin yaxşı olduğunu göstərir. Bakı oyunlara tam hazırdır və fanatları gözləyir".
 
Məmmədov tərəfdarların Azərbaycan paytaxtındakı qarşılaşmalara böyük maraq göstərdiklərini vurğulayıb: "Türkiyə millisinin ilk görüşünə 20 min bilet satılıb. Hər oyun üçün 32 min bilet satışı nəzərdə tutulub. Son günlərdə satışın artacağını düşünürəm. Qardaş Türkiyə azarkeşlərini səbirsizliklə gözləyirik".
 
İcraçı vitse-prezident azərbaycanlı azarkeşlərin də "ay-ulduzlular"ı dəstəkləyəcəyini söyləyib: "Coğrafi baxımdan türkiyəli fanatların Bakıya gəlməsi daha rahatdır. Çünki iki ölkə arasında gündə 5 uçuş təşkil olunur. Bunun özü də böyük üstünlükdür. Uels və İsveçrədən uçanlar ya xüsusi, ya da tranzit reyslə gəlməlidir. Amma qardaş Türkiyə azarkeşləri 2,5 - 3 saatlıq uçuşla Bakıya gələ biləcəklər".
 
Qeyd edək ki,Türkiyə millisi Avropa çempionatında ilk oyununu iyunun 11-də Romada İtaliyaya qarşı keçirəcək. "Ay-ulduzlular" daha sonra Bakı Olimpiya Stadionunda Uelslə iyunun 16-da və İsveçrə ilə iyunun 20-də A qrupunun digər iki görüşünə çıxacaq.



Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31