Əli Qurbani: “Bu cür davam etsək...”

Millimizin hücumçusu Əli Qurbani sabah Belarusa qarşı keçiriləcək yoxlama görüşü haqda fikirlərini açıqlayıb.

Futbolxeber.az saytının məlumatına görə, o, məğlubiyyətə baxmayaraq, əvvəlki hazırlıq matçında yaxşı təsir bağışladıqlarını qeyd edib:

“Belarus millisi yaxşı komandadır. Türkiyə ilə oyunda uduzsaq da, yaxşı oynadığımızı düşünürəm. Fərqlənmək üçün şanslarımız oldu, sadəcə son anda dəqiq ola bilmədik. Əgər bu cür davam etsək, yaxşı nəticələr əldə edəcəyimizi düşünürəm. Hazırda Belarus çempionatı davam edir. Bu amil onlar üçün üstünlük ola bilər. Amma biz də mövsüm ərzində 4 gündən bir futbol oynamışıq. Hazır formada olduğumuzu düşünürəm. Hər hansı yorğunluqdan söhbət gedə bilməz. Yaxşı nəticə əldə etmək üçün bacarığımızı ortaya qoymalıyıq. Xüsusən, güclü komandalarla – Portuqaliya, Serbiya, Türkiyə ilə oyunlarda nəyə qadir olduğumuzu nümayiş etdirmişik. Yaratdığımız fürsətləri dəyərləndirə bilsək, komandanın özünəinamı artacaq”.