"Neftçi" çempionluğunu rəsmiləşdirdi

I Divizionda 2020/2021 mövsümünün qalibi müəyyənləşib.

Futbolxeber.az saytının məlumatına görə, "Neftçi-2" sona 2 tur qalmış çempionluğunu rəsmiləşdirib. Mahmud Qurbanovun çalışdırdığı komanda 25-ci turda evdə "Kəpəz"ə qalib gəlib - 1:0.

Bununla da xallarını 61-ə yüksəldən lider ən yaxın izləyicisi "Zaqatala"nı 11 xal qabaqlayıb ki, bu da çempionluğu təmin edib.

"Zaqatala" və "Turan Tovuz"un isə mükafatçılar sırasında olacağı dəqiqləşib. Hazırda "Zaqatala" 50 xalla 2-ci, 1 oyun artıq keçirən "Turan Tovuz" isə 48 xalla 3-cü pillədə yer alıb.

"Qarabağ-2" - "Keşlə-2" 3:1

Qollar: Seyxan Fərəcov, 10; 22. Musa Musazadə, 45+1 - Xəzər Mahmudov, 9

"Sabah-2" - "Turan Tovuz" 3:3

Qollar: Təbriz İsazadə, 42. Abdulla Xaybulayev, 44. Camal Cəfərov, 74 - Vidadi Cəfərov, 25; 84-pen; 90+2

"Neftçi-2" - "Kəpəz" 1:0

Qol: İsmayıl Zülfüqarlı, 65.