“Zirə” “Keşlə” önünə 2 itki ilə çıxacaq

Azərbaycan kubokunun yarımfinalının cavab matçında “Keşlə” ilə qarşılaşacaq “Zirə” oyuna ciddi itkilərlə çıxacaq.

Futbolxeber.az saytının məlumatına görə, yarımmüdafiəçi Riçard Almeyda cəzalı durumda olduğundan sabahkı görüşü buraxacaq. Hücumçu Ruslan Qurbanov isə ötən həftə koronavirusa yoluxduğu üçün matçda iştirak etməyəcək.

Qeyd edək ki, ilk qarşılaşmada “Zirə” rəqibinə 2:1 hesabı ilə qalib gəlib.