18 May 2021, Çərşənbə axşamı
"Özümü çarəsiz hiss edirəm"
PFL sabah medalçıları müfakatlandıracaq
Azərbaycan klubları üçün 67 rəqib
Türkiyədə çempionun adı məlum oldu

Ölkə futbolu

Elxan Məmmədov: “Böyük futbol həyəcanına birgə şahidlik edək”

“Aprelin 8-də ictimaiyyətə verilmiş məlumatda qeyd olunduğu kimi, AVRO-2020-nin Bakı Olimpiya Stadionunda keçiriləcək oyunlarında azarkeşlərin iştirakı ilə bağlı bütün müvafiq sənədlər, Nazirlər Kabineti yanında Operativ Qərargahın qərarı UEFA-ya göndərilib”.

Futbolxeber.az saytının məlumatına görə, bu sözləri AVRO-2020-nin Bakıda keçiriləcək oyunlarında azarkeşlərin iştirakı ilə bağlı danışarkən AFFA-nın icraçı vitse-prezidenti Elxan Məmmədov deyib.

Assosiasiyanın rəsmi saytına açıqlama verən E.Məmmədov qeyd edib ki, qitə birinciliyinin oyunları üçün bilet satışı mayın 15-dən bərpa olunacaq: “Turnirə evsahibliyi edəcək digər şəhərlər haqqında da ümumi məlumat artıq paylaşılıb. Sevindirici haldır ki, Bakıda keçiriləcək oyunlar zamanı stadionun tamaşaçı tutumunun 50%-i qədər azarkeşin qarşılaşmaları tribunalardan izləməsi mümkün olacaq. AVRO-2020-nin təşkil olunacağı digər şəhərlərdə rəqəmlər müxtəlifdir. Ümid edirəm ki, çempionatın keçiriləcəyi bütün şəhərlərdə azarkeşlərin iştirakı minimum 50%-ə qədər təmin ediləcək. Mayın 15-də bilet satışı bərpa olunacaq. Stadionun ümumi tamaşaçı tutumunun cəmi 50%-nə azarkeşlərin buraxılacağını nəzərə alaraq, futbolsevərlərə biletlər satışa çıxan kimi tələsməyi tövsiyə edərdim”.

Elxan Məmmədov sonda hər kəsi sağlam olmağa və böyük futbol həyəcanına birgə şahidlik etməyə çağırıb: “Bizi maraqlı oyunlar gözləyir. Xüsusilə, qardaş Türkiyə millisinin iki oyununun Bakıda keçiriləcəyini bir daha xatırlatmaq istərdim. Özünəməxsus futbol ənənələrinə malik Uels və İsveçrə millilərinin qarşılaşmasının da maraqlı olacağına şübhə etmirəm. Bakı Olimpiya Stadionunda izləyəcəyimiz 1/4 final oyununda isə Avropa çempionu adına iddialı iki komandanın qarşılaşa biləcəyi istisna olunmur. Stadiona girişlə bağlı qaydaları bilet satışı başlamazdan öncə detallı şəkildə təqdim edəcəyik. Sağlam olaq və böyük futbol həyəcanına birgə şahidlik edək”.




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

May 2021
B.eÇ.aÇC.aCŞB
01 02
03 04 05 06 07 08 09
10 11 12 13 14 15 16
17 18 19 20 21 22 23
24 25 26 27 28 29 30
31