“Neftçi” hazırlığı bərpa etdi

“Neftçi” 3 günlük fasiləyə son qoyub.

Futbolxeber.az-ın klubun rəsmi saytına istinadən verdiyi məlumata görə, “Ağ-qaralar” bu gün “Türk Hava Yolları Futbol Mərkəzi”ndə məşqə çıxıb.

Əsasən toplu çalışmalardan ibarət olan hazırlıq prosesində milli komandaların düşərgəsinə yollanmış, eləcə də müxtəlif səbəblərdən icazəli olan futbolçular iştirak etməyiblər. Yeni transfer Keysuke Honda isə fərdi məşqlə kifayətlənib.

Qeyd edək ki, “Neftçi” növbəti rəsmi oyununu aprelin 4-də keçirəcək. Flaqman Premyer Liqanın 21-ci turu çərçivəsində “Sumqayıt”ı qəbul edəcək.