“30 illik yaramız sağaldı”

Milli komandamızın qapıçısı Emil Balayev sabah Sloveniyaya qarşı keçiriləcək oyundan öncə təşkil edilən mətbuat konfransına qatılıb.

Futbolxeber.az saytının məlumatına görə, təcrübəli qolkiper ilk öncə Qarabağ savaşındakı qələbəmizdən söz açıb: “Bizim üçün əlamətdar gündür - zəfər günüdür. Ali Baş Komandanı və xalqımızı təbrik edirəm. 30 illik yaramız sağaldı. Allah bütün şəhidlərimizə rəhmət eləsin”.

Oyunla bağlı isə Balayev bunları bildirib: “Baş məşqçimiz bəzən mənə, bəzən Şahruddinə şans verir. Bu, komandadaxili rəqabətdir. Futbolçuların işi məşqlərdə özünü maksimum göstərmək, məşqçinin rəğbətini qazanmaqdır. Qalanı məşqçinin fikridir. Bizim aramızda sağlam rəqabət var. Mən də öz şansımız gözləyib gələcəkdə daha çox şans əldə etmək istəyirəm”.