"Zirə" zirvəni ələ keçirdi

Bu gün Azərbaycan Premyer Liqasında V turun daha 2 oyunu keçirilib.

Futbolxeber.az saytının məlumatına görə, günün ilk qarşılaşması Qəbələdə oynanılıb. Meydan sahibləri “Sumqayıt”ı sınağa çəkib. 90 dəqiqə ərzində qalib aşkarlanmayıb - 1:1.

Daha sonra isə “Zirə” “Neftçi” ilə üz-üzə gəlib. Görüşün taleyini 1 qol həll edib. Matçın son saniyələrində fərqlənən meydan sahibləri qələbə qazanmaqla vahid lider olub. 

Xatırladaq ki, tura dünən keçirilən “Sabah” - “Keşlə” görüşü ilə start verilib. “Qarabağ” - “Səbail” matçı isə təxirə salınıb.

Azərbaycan Premyer Liqası

V tur

3 oktyabr

“Qəbələ” - “Sumqayıt” 1:1

Qollar: Əli Qurbani, 26 (0:1), Rafael Utrix, 44 (1:1) 

Hakimlər: Əliyar Ağayev, Akif Əmirəli, Müslüm Əliyev, Rəşad Əhmədov

Qəbələ şəhər stadionu

“Zirə” - “Neftçi” 1:0

Qol: Davit Volkov, 90+5 

Hakimlər: Elçin Məsiyev, Pərvin Talıbov, Kamran Bayramov, Rəhim Həsənov

Zirə İdman Kompleksinin stadionu 

Bombardirlər: Əli Qurbani ("Sumqayıt") - 5 qol, Namiq Ələsgərov ("Neftçi"), Davit Volkov ("Zirə") - 3 qol