"Sumqayıt" "Simurq"la oyunun hazırlığına başladı

Premyer Liqanın növbəti turu çərçivəsində, səfər meydanında "Simurq"la qarşılaşcaq "Sumqayıt" Futbol Klubu məşqlərə start verib. Futbolxeber.az-ın məlumatına görə, komanda bu gün səhər məşqində Aqil Məmmədovun rəhbərliyi altında daha çox fiziki hazırlığın artırılması üzərində çalışıb. "Sumqayıt" tam heyətlə məşq edə bilmir. Belə ki, A millidə olan Anar Nəzirov, Ruslan Qurbanov, U-21-in düşərgəsində yer alan Nurlan Novruzov, Kərim Diniyev, Elşən Abdullayev, Slavik Alxasov və U-19-la Rusiyaya təlim-məşq toplanışına yollanan Ruslan Nəsirli və Orxan Əliyev komandamızın hazırlığa nisbətən gec qoşulacaq. Zədəsini yenicə sağaltmış Pərdis Fərcad-Azad artıq komanda ilə birlikdə məşqlərə başlayıb.

Yeri gəlmişkən, "Sumqayıt" FK-nun əvəzedici komandası sentyabrın 8-də "Neftçala" ilə yoxlama oyununda qüvvəsini sınayacaq.