U-17 Qazaxıstana da uduzdu

17 yaşadək futbolçulardan ibarət Azərbaycan yığması Avropa çempionatının ilkin seçmə mərhələsində bu gün son oyununu keçirib.

Futbolxeber.az saytının məlumatına görə, yığmamız Yunanıstanın Patra şəhərindəki Pampeloponnisiako stadionunda Qazaxıstanın müvafiq yaş qrupundan ibarət komandası ilə qarşılaşıb. Görüş qazaxların 2:0 hesablı qələbəsi ilə başa çatıb.

Xatırladaq ki, Azərbaycan millisi bundan əvvəlki oyunlarında Yunanıstana 1:6, Almaniyaya isə 0:2 hesabı ilə uduzub.