Ölkə futbolu
Ernan Krespo: "Bakıdakı finalda "İnter"in qalib olmasını istərdim"
Məşhur argentinalı veteran futbolçu Ernan Krespo Bakıya səfəri zamanı azarkeşlərin 10 sualını cavablandırıb. Futbolxeber.az AFFA-nın rəsmi Feysbuk səhifəsinə istinadən müsahibəni təqdim edir.
- Bir-birindən maraqlı və çılğın derbilərin iştirakçısı olmusunuz: "River Pleyt" - "Boka Xuniors", "Latsio" - "Roma", "İnter" - "Milan", "Çelsi" - "Arsenal". Sizin üçün bunlardan hansını xüsusi adlandırmaq olar?
- Həmçinin, Argentina - Braziliya qarşılaşmasını qeyd etmək olar (gülür). Argentinada doğulduğum üçün "River Pleyt" - "Boka Xuniors" derbisinin mənim üçün xüsusi yeri var. Mən bu cəmiyyətdə böyüyüb boya-başa çatdığım üçün hansısa başqa derbinin iştirakçısı olmaq haqqında xəyal qurmamışam. Avropada çıxış etmək arzularım üçün əhəmiyyətli məqam idi və Avropada qeyd olunan bu derbilərin iştirakçısı olmaq mənim üçün böyük qürur mənbəyidi. Amma sözsüz ki, mənə daha yaxın olanı "River" - "Boka"dı.
- Hazırkı Argentina ilə dünya çempionatının finalında son saniyələrdə qələbə üçün penalti qazansaydınız, özünüz vurardınız, yoxsa Lionel Messiyə həvalə edərdiniz?
- Gözəl sualdır. Hipotetik hissəyə keçirik. Adətən, komandalarda penalti vuran oyunçunun kim olduğu əvvəlcədən müəyyənləşdirilir. Amma belə imkanım olsaydı, böyük məmnuniyyətlə özüm vurardım. Çünki mən futbolu çox sevirəm və dünya çempionatları, Çempionlar Liqası, Avropa Liqası və Yay Olimpiya Oyunları kimi böyük tədbirlərin iştirakçısı olmağımdan və orda qol vurmağımdan qürur duyuram. Əslində sualda soruşulan yeganə məsələ finaldı ki, onu heç vaxt oynamamışam. Çünki mümkün bütün digər finallarda oynamışam və hər birində qol vurmağa nail olmuşam. Ona görə də deyilən hipotetik finalda qol müəllifi olmasaydım, bəlkə də, penaltini özüm vurardım.
- Karyeranız boyunca heç vaxt qırmızı vərəqə almamağınızın sirri nədi?
- Bilmirəm. Sadəcə, mən heç vaxt hakimlə bağlı narahat olmamışam. Düzünü desəm, hakimlərlə hansısa münaqişələrimin olduğunu xatırlamıram. Çünki bilirəm ki, heç vaxt qərarını dəyişən deyil. Təbii ki, müəyyən məqamları müzakirə etmək olar, amma yekunda qərar dəyişməyəcək. Ona görə heç vaxt oyunu idarə edən hakimin kim olacağı, onun xasiyyəti digər suallarla maraqlanmamışam. Əsas diqqəti özümə, öz komandama və rəqib komandaya yönəltmişəm.
- Milan şəhərinin hər iki komandasında oynamısınız. "Milan", yoxsa "İnter" karyeranızda əsas rol oynayıb?
- Hər ikisi. Hər birində fərqli və çox yaxşı vaxt keçirmişəm. Bəli, "İnter"də 4, "Milan"da 1 mövsüm oynamışam. Amma "Milan"dakı 1 mövsüm kifayət qədər gərgin və maraqlı olduğundan, sanki bir neçə il orda çıxış etmişəm. Mənim üçün bu, qürurverici amildi. Çünki hər bir oyunçu üçün bu cür möhtəşəm klublarda oyun imkanı qazanmaq böyük göstəricidi.
- Əlinizdə imkan olsaydı, Argentina yığmasının 1998-ci ildəki heyətindən hansı 3 oyunçunu DÇ-2014-ün heyətinə daxil edərdiniz ki, komanda dünya çempionu olsun?
- Əvvəla özümü. Çünki daha bir mundialda oynamaq istərdim. Digərləri Xuan Sebastyan Veron və Qabriel Batistuta. Beləliklə, olacaqdı Batistuta, Krespo, Messi və Veron. Əla!
- 2000-ci ildə "Parma"dan "Latsio"ya 56 milyon avroya keçərək, dünyanın ən bahalı futbolçusu oldunuz. Müasir dövrdə isə futbolçulara bundan 3-4 dəfə çox məbləğlər ödənilir. Hazırda futbol oynasaydınız, transfer qiymətiniz nə qədər olardı?
- Düzünü desəm, heç vaxt buna fikir verməmişəm. Yəni bu, məni heç vaxt maraqlandıran məqam olmayıb. Həmişə fikrimi öz işimi yaxşı görməyə, komandam üçün yaxşı oyun göstərməyə, komandamla titullar qazanmağa yönəltmişəm. Çünki bu qiymətləri yekunda klub prezidenti müəyyənləşdirirdi. Əsas marağım işimi yaxşı görmək, meydançada zövq almaq, məşq etmək, azarkeşlərə, özümə və əməkhaqqımı ödəyən rəhbərə hörmət etmək olub. Diqqətimi də məhz buna yönəltmişəm. Qiymətin qoyulmasına ciddi yanaşmamışam.
- Bakıdakı Avropa Liqasının finalında "Çelsi" və "İnter" qarşılaşsa, hansına azarkeşlik edəcəksiniz?
- Çox maraqlı sualdır. Çətin seçimdir, çox çətindir. Çünki "Çelsi"də 2, "İnter"də 4 mövsüm oynamışam və hər iki klubda mənə çox gözəl münasibət bəsləyiblər. Ona görə çox çətin qərardı. Amma baxmaq üçün çox rahat oyun olardı. Çünki sonda kimi qalib gəlməsindən asılı olmayaraq, sevinərdim. Seçim etməli olsaydım, bu halda "İnter" deyərdim. Çünki 20 ildi bu komanda Avroliqada qalib gəlmir. Düşünürəm ki, bu qələbə İtaliya futbolu üçün böyük uğur olardı.
- Həm Libertadores Kuboku, həm də Çempionlar Liqasının finalında oynamısınız. Sizcə, hansı turnir daha çətin və ciddidi?
- Hər ikisi kifayət qədər çətin turnirdi. Həm ortaya çıxan oyunlar, həm də finala vəsiqə qazanmaq çox çətin olur. Hər birinin öz çətinliyi var. Hansısa birini seçmək mümkün deyil. Təbii ki, hər ikisi çox gərgin və ehtiraslı yarışdı. Libertadores Kuboku uşaq vaxtımdan çox sevdiyim və nə vaxtsa iştirak etməyi arzuladığım turnirdi. Çempionlar Liqasını isə artıq bir qədər böyüdükdən sonra izləməyə və sevməyə başladım. Çünki mən uşaq olanda o hələ Çempionlar Kuboku adlanırdı və Argentinada elə də çox izlənilmirdi. Əsasən final oyunlarına baxılırdı. Peşəkar futbolçuya çevriləndən sonra və Çempionlar Liqasında oynamağa başladıqda təbii ki, orda da qalib gəlmək istəyirdim. Bir daha qeyd edim ki, hər ikisi çox çətin turnirdi və çox şadam ki, hər iki turnirin finalında oynamaq və qol vurmaq imkanına, bacarığına malik olmuşam. Baxmayaraq ki, yekunda birində qalib gələ bildik, digərində isə yox.
- 2005-ci ildə İstanbuldakı final gecəsində "Liverpul"a özünüzün 2-ci, "Milan"ın 3-cü qolunu vurduqdan sonra ağlınızda nələr var idi?
- Böyük sevinc hissi. Çünki uşaq olanda "Milan"ın oyunlarına, Marko van Bastenin "Milan"ına baxırdım və bu komandanın formasında Çempionlar Liqasının finalında oynamaq, 2 qol vura bilmək böyük arzum idi. Düzdü, yekun çox kədərli oldu. Həzm edilməsi çox çətin nəticə idi. Lakin yarışın, bu görüşün səviyyəsinə uyğun hazır olmaq əslində mənim üçün qürur səbəbi idi. Bu finalda qalib gəlmək üçün əlimdən gələni etmişdim. Təəssüf ki, bəzən bu, mümkün olmur və çox böyük əzab verir. Lakin istər peşəkar futbolçu, istərsə də futbolu sevən insan kimi görüşün səviyyəsinə uyğun olduğum anlayışı bu kədəri qəbul etməyə dəstək olurdu.
- Karyeranız boyu vurduğunuz qollardan sizi ən çox həyəcanlandıran və təsir edən hansı olub?
- Müxtəlif komandalarda oynamışam və azarkeşlərlə görüşəndə, danışanda hərəsinin vurğuladığı bir qol olur. Bu, finallarda vurulmayan qol da ola bilər. Xoşbəxtlikdən iştirak etdiyim bütün finallarda qol vurmağa nail olmuşam. Bəzilərində qalib gəlmişik, bəzilərində məğlub olmuşuq. Lakin azarkeşlər üçün sevimli qol seçmək səbəbi müxtəlif ola bilər. Məsələn, o oyuna atası və ya qardaşı ilə birlikdə baxıb və s. kimi. Mən hisslərinə əsaslanaraq, sevimli qol seçən azarkeşlərə böyük hörmətlə yanaşıram. Mənim üçün hər bir qol xüsusidi. Çünki vurduğum hər bir qol göstərdiyim səylərin, çəkdiyim zəhmətin, tez yatmağın, düzgün qidalanmağımın, hər gün məşq etməyimin nəticəsidi. Təbii ki, bəzi qollar digərlərindən daha əhəmiyyətli ola bilər. Lakin onların hər biri mənim geriyə baxdıqda qürur duyduğum karyeramın formalaşmasına töhvə verib.
Şərh yazılmayıb
|
ŞƏRH YAZ
|
Çox oxunan xəbərlər
- AFFA-nın yeni baş katibi o olacaq - ÖZƏL
- “Sabah”da rəhbər dəyişikliyi: Yeni prezident o olacaq - ÖZƏL
- Fərid Qayıbov narazıdır: AFFA-nın konfransını boykot edəcək - ÖZƏL
- Milli komandamızın yeni baş məşqçisi müəyyənləşib: Mayın əvvəli Bakıya gəlir
- FİFA AFFA-nın konfransında azərbaycanca danışacaq - ÖZƏL
- Zaur Qəhrəmanovun “Neftçi”dən getməsinin səbəbi məlum oldu
- Asif Məmmədov: “Kimsə bunu sübut etsə, üzr istəməyə hazıram”
- AFFA İcraiyyə Komitəsinin üzvü: “Premyer Liqada klub sayının artırılması gündəmdədir”
- Rövşən Nəcəf: “Etimadı doğrultmaq üçün əlimdən gələni edəcəm”
- Qurbanovdan nümunəvi addım
- İcraiyyə Komitəsinin yeni üzvü “Neftçi”yə gəlişini şərh etmək istəmədi: “İnşallah gələn həftə...”
- Minifutbol millimizin heyəti narazılıqla qarşılandı, baş məşqçi danışmaq istəmədi
- Sərxan Hacıyev: “Monqolustan və Bolqarıstanla oyunlara görə milliyə mükafat veriləcək”
- Prezidentin nəvəsindən Qara Qarayevə dəstək
- ETOPAZ: Məsləhət bizim, qazanc sizin
-
18:49
Azərbaycan kuboku: "Zirə" finalda (YENİLƏNİR)
-
17:05
Azərbaycan avarçəkəni Türkiyədə iki medal qazanıb
-
16:48
Region Liqası: Finalın yeri və başlama saatı müəyyənləşib
-
16:12
“Qəbələ” - “Zirə”: Heyətlər açıqlandı
-
15:24
Zubir Liqa 1 klubunun hədəfində
-
15:09
Naxçıvan Futbol Federasiyasının sabiq baş katibi vəfat edib
-
14:56
“ETOPAZ”ın baş sponsorluğu ilə “Fire League”da növbəti tur başa çatıb FOTOLENT
-
14:30
“Zirə”nin kapitanı: “Məqsədimiz finala çıxmaqdır”
-
14:03
"Səbail" məşqlərini davam etdirir FOTOLENT
-
13:41
Azərbaycan avarçəkənləri Avropa Olimpiya Təsnifat Reqatasında iştirak edəcəklər
-
13:27
Azərbaycanın stolüstü tennisçisi Belçikada bürünc medal qazanıb
-
12:55
Azərbaycan çempionatında ikinci finalçı müəyyənləşib
-
12:34
"Yurqorden" rəsmisi Musa Qurbanlının gedişini istisna etmədi
-
12:19
"Neftçi" "Qarabağ" önünə iki itki ilə çıxacaq
-
11:08
Avropa çempionatı: Beş boksçumuzun beşi də uduzdu
-
10:52
Azərbaycan kuboku: Hakim təyinatları açıqlandı
-
10:36
"Arsenal" "Çelsi"ni darmadağın etdi VİDEO
-
10:23
Samir Abasov - əvvəl “El Klasiko”, sonra Xavi ilə görüş FOTOLENT
-
10:11
"Latsio" "Yuventus"u məğlub etsə də... VİDEO
-
09:59
Güləş üzrə U-17 Azərbaycan çempionatı start götürüb
-
09:47
"Beşiktaş" səfərdən heç-heçə ilə qayıtdı VİDEO
-
21:48
“Qəbələ” “Zirə” ilə cavab oyununa itkilərlə çıxacaq
-
21:11
U-17 millimiz Belarusa məğlub oldu
-
21:00
"Füzuli" "Şəmkir"i məğlub etdi VİDEO
-
18:39
"Azərreyl" Azərbaycan çempionu oldu
-
17:52
"Sumqayıt" - "Qarabağ" oyununa nə qədər bilet satılıb?
-
17:04
Yarımfinal oyunlarına təyinatlar açıqlandı
-
16:45
Kadi: “Mən həmişə hazıram”
-
16:17
Azərbaycanın U-17 millisi Belarusda turnirə qatılacaq
-
15:36
“Neftçi”nin legioneri: “Fürsət düşsə, Rumıniyaya qayıdardım”
-
14:53
Millimizin rəqibi Baltik kubokunda yarışacaq
-
14:21
Valdemar Almeyda: “İlk üçlükdə olmaq üçün bütün oyunlarda qalib gəlməliyik”
-
14:08
“Prezident Kuboku-2024” beynəlxalq reqatasında 20-dən çox ölkə mübarizə aparacaq
-
13:49
"Olimpiadada Azərbaycanı layiqincə təmsil edəcəyimə inanıram"
-
13:34
AGF Baham adaları Gimnastika Federasiyası ilə Anlaşma Memorandumu imzalayıb
-
13:12
Kişi şahmatçılar arasında Azərbaycan çempionatında ilk finalçı müəyyənləşib
-
12:55
"Qarabağ"ın uğurlarına sevinirəm, amma "Neftçi" mənə daha əzizdir" VİDEO
-
12:27
Bakıda UEFA fitnes məşqçilik kursunun I modulu başlayıb
-
12:06
Şeydayevin qaçırdığı qol şansları... VİDEO
-
11:43
Milli komandamızın yeni baş məşqçisi müəyyənləşib: Mayın əvvəli Bakıya gəlir
-
11:18
"Azərbaycan voleybol tarixində belə finala şahidlik etməmişdik"
-
10:50
"Final görüşünün əhəmiyyətini başa düşürdük"
-
10:39
Avropa çempionatı: Ülviyyə Fətəliyevadan maksimum nəticə
-
10:24
"Fənərbaxça" çempionluq yolunda ağır zərbə aldı VİDEO
-
10:12
Masaki Murata: “Bu tip insanlar həmişə problem axtarır”
-
09:57
Milan derbisində 3 qol, 3 qırmızı vərəqə VİDEO
-
09:41
Azərbaycanın 3 boksçusu növbəti mərhələdə
-
09:28
"Roma" öz meydanında "Bolonya"ya uduzdu VİDEO
-
00:10
Diniyev - Şeydayev mübarizəsində kim sevindi?
-
20:38
“Neftçi” rəhbərliyi I Liqa klubunun prezidenti ilə görüşdü