Donald Gerye: "Hər kəsin istirahətə ethiyacı var"

"Çətin qarşılaşma oldu. Qələbə qazanmaq üçün əlimizdən gələni etdik. Növbəti qələbəmizi aktivimizə yazdırdıq. Cavab oyununa eyni istəklə çıxmalıyıq".

 

Futbolxeber.az saytının məlumatına görə, bu sözləri "Qarabağ"ın futbolçusu Donald Gerye Azərbaycan kubokun 1/4 final mərhələsinin ilk oyunları çərçivəsində "Keşlə"yə qalib gəldikləri matçı dəyərləndirərkən deyib. 

 

Haitili cinah müdafiəçisi cavab oyununda da müsbət nəticə qazanmağa çalışacaqlarını bildirib: "Rəqibin meydançası yaxşı vəziyyətdə deyil, orada oynamaq çətindir. İstənilən halda, müsbət nəticə qazanmaq üçün əlimizdən gələni edəcəyik".

 

- Ötən il 1/4 final mərhələsində "Sumqayıt" səddini keçə bilməmişdiniz. Eyni ssenarinin təkrarlanmasından qorxmursunuz?

 

- Əlbəttə, həmin oyunlarda iştirak etmişəm və məğlub olduğumuzu xatırlayıram. Artıq həmin oyunlar keçmişdə qalıb. Keçmiş insana çox şeyləri öyrədir. İndiki vəziyyət tamam başqadır. Meydana əlimizdən gələni etmək və qələbə qazanmaq üçün çıxacağıq. 

 

- Çempionat oyununda "Keşlə" üzərində böyükhesablı qələbə qazanmışdınız. Bu gün eyni nəticəni təkrarlaya bilməməyinizin səbəbi nədir?

 

- Çempionatda böyük fərqlə qalib gəlmişdik. "Keşlə"nin də komanda olduğunu nəzərə almaq lazımdır. Bir dəfə sizi döyürlər, ikinci dəfə müdafiə olunmaq məcburiyyətində qalırsınız. Eyni vəziyyətdir. Əsas olan qələbə qazanmaqdır. Artıq cavab oyununa hazırlaşmalıyıq. 

 

- Fasilə ərəfəsində necə istirahət etməyi düşünürsən?

 

- Hər kəsin istirahətə ehtiyacı var, həmçinin də futbolçuların. Əfsuslar olsun ki, ildə bir dəfə ailəmi görmək imkanım olur. Düzdü, milli komandanın oyunlarına görə Haitiyə getmişdim, lakin ailəmi görə bilmədim. Çünki onlar paytaxtdan kənarda yaşayırlar. Mənim üçün ailəm çox önəmlidir. Mənə elə gəlir ki, siz də belə düşünürsünüz. Təbii ki, fasiləyə çıxmağı düşünürük, ancaq sonuncu oyundan sonra buna daha çox diqqət ayıracağıq.