28 Mart 2024, Cümə axşamı
Ağabala Ramazanov qayıtdı - FOTO
"Zirə"dən ardıcıl 15-ci qələbə
“Səbail”in hücumçusu: 1 qol, 2 qələbə
U-21 millimiz Ukraynaya da uduzdu

Ölkə futbolu

Almeyda: “Bu qələbəni Azərbaycan xalqına həsr edirik”

“Çətin oyun oldu. Çalışdıq ki, məşqçinin tapşırıqlarını yerinə yetirək. Buna da nail olduq. Asan deyildi, amma buna baxmayaraq, oynadıq. Bütün komandanı 3 xal münasibətilə təbrik edirəm. Bu qələbəni Azərbaycan xalqına həsr edirik”.

Futbolxeber.az saytının məlumatına görə, bu sözləri milli komandamızın futbolçusu Riçard Almeyda UEFA Millətlər Liqasının III turunda Farer adalarına 3:0 hesabı ilə qalib gəldikləri oyundan sonra deyib. Daha sonra o, jurnalistlərin suallarını cavablandırıb.

- İlk hissədə sanki çətinlik çəkirdiniz? Bu, süni meydança ilə bağlı idi?

- Səfər oyunlarında sözsüz ki, həmişə üstünlük ev komandalarında olur. Biz də ilk 15 dəqiqədə bir az çətinlik çəkdik. Rəqibin start təzyiqinə tab gətirdik və sonradan öz oyunumuzu göstərməyə başladıq. Topu saxlamağa çalışırdıq, bu da alındı. Qollarımızı vurduq, rəqibə də qol şansı yaratmağa imkan vermədik.

- Dubl etdiniz. Bu barədə nə deyə bilərsiniz?

- İki dəfə fərqləndiyim üçün yox, bu qolların Azərbaycan futboluna kömək etməsinə görə şadam. Bilirsiniz ki, neçə ildir bu ölkədəyəm, Azərbaycanı çox sevirəm. Çox məmnunam ki, bu gün qollarımla Azərbaycan xalqını sevindirə bildim.

- Qarşıdakı oyun barəsində nə fikirləşirsiniz?

- Çətin oyun olacaq. Bizi Bakıya uzun və çətin yol gözləyir. Ora çatan kimi məşqləri bərpa edib, ciddi şəkildə və 100 faizlik konsentrasiya ilə Malta matçına hazırlaşacağıq.

 

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31