"Millidə hamı oynamaq istəyir"

“Yeni yığılan heyətin avrokuboklara oynayacağı barədə danışmaq tezdi. Yaxşı komanda formalaşdırmaq istəyirik. Görək necə alınacaq”.

Bu sözləri Futbolxeber.az saytına açıqlamasında “Səbail”in yeni transferi Şəhriyar Rəhimov deyib.

Ötən mövsümə kimi “Kəpəz”də kapitan sarğısı daşımış müdafiəçi yeni komandasına keçidi barədə də fikir bildirib: “Başqa variantlar haqda danışmaq istəmirəm. “Səbail”də məni hər şey qane etdi ki, bu komandanı seçdim. İnşallah hər iki tərəf üçün uğurlu olması üçün əlimdən gələni edəcəm. Əlbəttə ki, “Səbail” mənim üçün yeni komanda, yeni səhifə, yeni başlanğıq deməkdi. Son mövsümdəki nəticəni çıxmaq şərtilə, “Kəpəz”dəki karyeram da pis alınmadı. Ancaq bunun davamını gətirmək istəyirəm”.

“Hər futbolçu millisinin formasını geyinmək istəyir. Mən də həmçinin. Ancaq bu dəqiqə əsasən öz klubumda özümü möhkəmləndirmək haqda düşünürəm” – deyə, Rəhimov fikirlərini yekunlaşdırıb.