29 Mart 2024, Cümə
Ağabala Ramazanov qayıtdı - FOTO
"Zirə"dən ardıcıl 15-ci qələbə
“Səbail”in hücumçusu: 1 qol, 2 qələbə
U-21 millimiz Ukraynaya da uduzdu

Ölkə futbolu

Samir Ələkbərov: “Millidə dəyişiklik, yenilik olmalıdı”

21 yaşadək futbolçulardan ibarət yığmanın müvəqqəti olaraq baş məşqçisi təyin edilən Samir Ələkbərovun apasport.az saytına müsahibə verib. Futbolxeber.az həmin müsahibəni təqdim edir.
 
- Yeni təyinatınızla bağlı fikirlərinizi bilmək istərdik...
 
- Məni AFFA-ya dəvət etdilər. Dedilər ki, qarşıdakı 3 oyunda komandaya rəhbərlik etməyini istəyirik. Mən də razılaşaraq, təklifi qəbul etdim.
 
- Qarşıdakı 3 görüşün nəticəsindən asılı olaraq, U-21-də qalmaq şansınız varmı? Rəhbərliklə danışığınız, anlaşmanız necə olub?
 
- Bunu gələcək göstərər. Amma dediyiniz məsələ ilə bağlı söhbətimiz olmayıb. Sadəcə, qarşıdakı 3 oyuna komandanı mən çıxaracam. Köməkçilərim də Aslan Kərimov və Cahangir Həsənzadə olacaq.
 
- Heyətdə dəyişikliklər etməyi planlaşdırırsızmı?
 
- Qlobal dəyişiklik olmayacaq. Kimlər varsa, onları yaxın günlərdə ələkdən keçirəcəyik. Böyük dəyişikliklər nəzərdə tutulmayıb. Amma bəzi dəyişikliklər mütləq olacaq.
 
- Rəhbərlik 3 oyunda qarşınıza nə hədəf qoyub?
 
- Qarşıma konkret neçə xal toplamaq tapşırığı qoyulmayıb. Amma bildirilib ki, komandada dəyişiklik, yenilik olmalıdı.
 
- İlk sınağınız oktyabrın 6-da səfərdə Almaniya yığmasına qarşı olacaq. Eyni rəqiblə noyabrın 9-da Bakıda, 5 gün sonra isə Kosovo millisi ilə üz-üzə gələcəksiz. Bu matçlarda hansı nəticəyə ümid edirsiz?
 
- Bəli, komanda mənim rəhbərliyim altında ilk matçını almanlara qarşı keçirəcək. Çalışacağıq ki, hər 3 oyunda meydanı yaxşı nəticə ilə tərk edək. Heç olmasa, heç-heçəyə imza ataq. Qələbə də qazanmaq istərdik.
 
- Almanlardan xal və ya xallar almağımız nə dərəcədə inandırıcıdı?
 
- (gülür) Qorxacağıqsa, daha nə oldu? Çalışacağıq ki, elə almanlardan da xal götürək, yaxşı nəticələrə imza ataq.
 
- U-21-dən ayrılan Yaşar Vahabzadə ilə komanda haqda və ya hansısa futbolçu ilə bağlı müzakirə aparmağı düşünürsüzmü?
 
- Təbii ki, bunu edəcəm. Yaşar müəllimin halallığını alacam. Çünki onun işini davam etdirəcəm. Həm Yaşar Vahabzadə ilə, həm də Məşqçilər Komitəsindəki mütəxəssislərlə görüşüb, müzakirələr aparacam, məsləhətlərini alacam.
 
- U-21 daha çox milliləşdirilmiş futbolçulara görə tənqid olunub. Hamı bir işə yaramayan əcnəbilərin yerində yerli oyunçuları görmək istəyir. Bu baxımdan dəyişiklik etmək fikriniz varmı?
 
- Çalışacağıq ki, legionerlərin sayını azaldaq. Mən də yerli uşaqlara üstünlük vermək istərdim. Amma əcnəbilərdən kimləri çağırıb-çağırmayacağımı hələ müəyyənləşdirməmişəm. Bu barədə fikir bildirmək tezdi. Siyahıya baxandan sonra qərar verəcəm. 



Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31