"Səbail" Türkiyədəki ilk sınağından heç-heçə ilə ayrıldı

Türkiyənin Kartepe qəsəbəsində təlim-məşq toplanışında olan "Səbail" çalışmalarını davam etdirir. Futbolxeber.az Bakı təmsilçisi bu gün qardaş ölkədə hazırlıq çərçivəsində ilk yoxlama oyununu keçirib.

 

Samir Əliyevin yetirmələri Omanın U-23 yığması ilə üz-üzə gəlib. "Green Park Resort Kartepe" hotelinin meydançasında keçirilən oyun qolsuz bərabərliklə başa çatıb – 0:0.

 

Qeyd edək ki, iyulun 15-də son mövsümü İran Pro-liqasında 4-cü pillədə başa vuran "Zob Ahan"la üz-üzə gələcək “Səbail” iyulun 20-də Səudiyyə Ərəbistanını təmsil edən "Əl İttifaq" ilə qarşılaşacaq. 3 gün sonra "Səbail"in rəqibi Özbəskistan təmsilçisi "Paxtakor" olacaq. “Aslanlar” hazırlıq prosesi çərçivəsində son oyununu iyulun 26-da Səudiyyə Ərəbistanının "Əl Raed" komandasına qarşı keçirəcək.