"O rəhbərliyin işidi, nə məsləhət görüblərsə, "Bakı"nı düşünüb, ediblər"

"Bakı"nın və hərbçilərdən ibarət milli komandamızın müdafiəçisi Şəhriyar Əliyev Futbolxeber.az saytına müsahibə verib.

- İlk növbədə İraqa qarşı keçirilən oyun haqda fikirlərini bilmək istərdik.

- İraqla oyunda komandamız layiqincə qələlə qazandı. Komandamız qələbəyə layiq idi və qələbə münasibəti ilə də hər kəsi təbrik edirəm.

- Milli komandamiz qrup mərhələsini demək olar ki, birnəfəsə keçdi. Bu, nədən irəli gəlir, millimiz güclüdür, yoxsa rəqiblər zəifdir?

- Rəqiblər güclüdü, heç bir rəqibə zəif demək olmaz. Amma komandamız bu oyunlara ürəklə hazırlaşıb. Oyunda hər kəs ürəyini meydanda qoyur. Elə bunun da nəticəsində qrup mərhələsində ardıcıl 3 qələbə qazandıq.

- Deyirsən ki, komandamiz ürəklə hazırlaşıb. Amma hamımız bilrik ki, siz turnirə istənilən səviyyədə hazırlaşa bilməmisiniz. Turnirdən öncə komanda üçün yaradılan şərait çox pis idi...

- Mən o haqda danışmaq istəmirəm. Bizim əsas işimiz futbol oynamaqdı, onu da edirik.

- Bəs, indi vəziyyət necədir? Heç olmasa əvvəlkinə baxanda irəliləyiş var?

- Şükür yaxşıdı. Yenə deyirəm biz Azərbaycanın adı üçün oynayırıq, bunun üçün də hər şeyi edirik.

- Necə düşünürsən, millimiz dünya çempionu ola biləcək?

- Rəqiblər zəif deyil. Amma mən komandamıza inanıram.

- Yəqin ki, digər komandaların da oyunlarını izləyirsiniz. Çempionluq yolunda hansı millilər bizə mane ola bilər?

- Məncə, Oman və Əlcəzair yaxşı komandalardı. Bizim kimi onlar da çempion olmaq istəyir.

- Hərbçilərin dünya çempionati olsa da, yenə də qalib olmaq uğurdu. Bu baxımdan dünya çempionluğunun adı sizdə həyəcan yaratmır?

- Yox, komandamızda heç bir həyəcan yoxdur.

- Rəhbərlik sizin qarşınıza hansı məqsədi qoyub?

- Məqsəd yaxşı nəticə qazanmaqdı. Amma biz çempion olmaq istəyirik.

-Bəs, mükafat necə, vəd olunub?

- O haqda heç nə deyilməyib.

- Baş məşqçi Nazim Süleymanov çıxışınız barədə nə deyir?

- Bizi təbrik edir və arxayanlaşmaq olmaz deyir.

- Bir qədər də "Bakı" haqda danışaq. Komandan artıq bir neçə gündür Avstriyada təlim-məçq toplanışındadır. Sənsə millinin heyətindəsən. Necə düşünürsən, hazırlıq prosesindən kənarda qalmağın əsas heyətdəki yerivi itirməyivə səbəb ola bilər?

- Doğrusu orada bir az problem yaranacaq... Amma ora gedəndə özümü hərtərəfdən göstərəcəyəm. Hələ ki futboldan bir müddət ayrı qalmalı olacağam. İraqla oyunda ayağım sındı.

- İndi nə yerdədi vəziyyətin? Həkimlər nə deyir?

- İndi gipsdədi. 3-4 heftə belə qalacaq.

- Artıq millinin düşərgəsindən ayrılmısan, yoxsa hələ də oradasan?

- İndi evdəyəm. Amma oyunlarda millinin yanında olacağam. Dəstək olmaq üçün.

- Məşqlərə yenidən nə vaxt başlaya bilərsən?

- Hardasa, 1 aydan tez olmayacaq.

- Zədə aldığın epizodu xatırlayırsan?

- Adi bir vəziyyətdə oldu, ikili mübarizədə.

- Belə olan halda "Bakı"nın əsas heyətindəki yerini qaytarmağı lap çətin olacaq...

- İnşallah, zədəm sağalsın. Çalışıb, əlimdən gələni edəcəyəm.

- Milinko Pantiçlə tanış olmusan?

- Yox, hələ tanış olmamışıq.

- Ümiyyətlə, onun haqqInda nə bilirsən?

- Hələ heç nə.

- Səncə, "Bakı"da baş məşqçi dəyişikliyi lazım idi? Yoxsa Bandoviçə bir qədər də şans tanımaq olardı?

- O rəhbərliyin işidi, nə məsləhət görüblərsə, "Bakı"nı düşünüb, ediblər. Bizim işimiz futbol oynamaqdı.

- Yaxşı, bəs niyə keçən il rəhbərliyin istədiyi futbolu oynaya bilmədiniz?

- Əgər komanda yaxşı çıxış etmirsə, günah hamıda olub.

- Komandada konkret nə çatışmırdı?

- Ötən mövsüm bitdi artıq, indi qarşıya baxırıq. İnşallah gələn mövsüm hər şey yaxşı olacaq.

- "Bakı"nın əsas heyətinə düşməyində ən çox hansı məşqçini rolun olub?

- Mənim əsas heyətdə oynamağımda çox məşqçinin əməyi olub. Uzun söhbətdi.

- "Bakı"nın əsas heyətində ilk dəfə səni kim meydana buraxıb?

- Statkovun vaxtinda oynamışam ilk oyunu.

- Səhv etmirəmsə, bu, rəsmi oyundu. Bəs yoxlama?

- Bu da elə Starkovun vaxtında olub.

Elman MƏHƏRRƏMOV