29 Mart 2024, Cümə
Ağabala Ramazanov qayıtdı - FOTO
"Zirə"dən ardıcıl 15-ci qələbə
“Səbail”in hücumçusu: 1 qol, 2 qələbə
U-21 millimiz Ukraynaya da uduzdu

Ölkə futbolu

Zabit Səmədov mərkəzi oyunda: “Qarabağ”a azarkeşlik edirdim”

“Azərbaycanda ilk dəfə idi ki, azarkeş kimi oyunu stadiondan izləyirdim. Qarşılaşmaya “Qarabağ” rəhbərliyinin dəvəti ilə gəlmişdim. Bu komandaya azarkeşlik edirdim”.

Futbolxeber.az saytına müsahibəsində bu sözləri tanınmış idmançı, K-1 döyüşçüsü Zabit Səmədov deyib.

“Mauqli” ləqəbli idmançı Topaz Premyer Liqasının 27-ci turunun mərkəzi oyununu - “Qarabağ” - “Qəbələ” görüşünü stadiondan canlı izləyib.

Səmədov “Qarabağ”ın çıxışını yaxından izlədiyini bildirib: “Son illər “Qarabağ” çıxışı ilə Avropada səs salar. İnanıram ki, bu uğurun davamı gələcək. Ağdam klubunun çıxışından qürur duyuruq”.

“Qarabağ” və “Qəbələ” arasında növbəti görüş mayın 5-də, ölkə kubokunun finalı çərçivəsində baş tutacaq. Maraqlıdır, tanınmış idmançı həmin görüşü də stadiondan izləyəcək?

“Təəssüf ki, vətəndə o qədər qalmayacağam. Amma Avropa oyunlarında gələrəm. Ümumiyyətlə, beynəlxalq arenada hər bir klubumuzu dəstəkləyirəm, fərqi yoxdu “Qarabağ”, “Qəbələ”, ya bir başqası. Milli komandamızın çıxışını da izləyirəm. Azərbaycanın bayrağı olan yerdə hər zaman qürur duyuruq”.

Səmədov Çempionlar Liqasının son finalına canlı baxdığını da sözlərinə əlavə edib: “Avropada hansısa kluba azarkeşlik etmirəm. Amma bəzi görüşləri stadiondan izləyirəm. “Atletiko” və “Real” arasında keçirilən Çempionlar Liqasının son finalını izləmişdim. Həmin görüşdə “Atletiko”nun qələbə qazanmasını istəyirdim. Amma yekunda “Real” qalib gəldi”.

Söhbətləşdi: FƏRƏC

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31