Ölkə futbolu
Davud Kərimi: “Bu böhrandan yaxa qurtarmalıyıq”
“Kəpəz”in əsas komandasının qapıçısı Davud Kəriminin klub saytına açıqlamalar verib. Futbolxeber.az sizi həmin müsahibə ilə tanış edir:
- Davud, ilk öncə “Qarabağ” ilə oyun haqda fikirlərini bizimlə bölüşərdin.
- Ardıcıl məğlubiyyətlərdən sonra Ağdam klubu ilə görüşdə uğurlu nəticə qazanmaq istəyirdik. Həm də bu il Gəncədə ilk ev oyunumuz olduğundan sərfəli nəticəyə ümid edirdik, məqsədimiz qara zolaqdan çıxmaq idi. Meydanın vəziyyətindən asılı olmayaraq, komanda yoldaşlarım əzmlə mübarizə apardılar. Rəqib ani bir səhvdən qol vurub qələbə qazandı. Bu, onların ustalıq səviyyəsinin göstəricisidir. Biz azarkeşləri, baş məşqçimizi və klub rəhbərliyini çox sevindirmək istəyirdik, amma alınmadı. Diqqətimizi “Neftçi” ilə oyuna yönəltmişik.
- Oyundan sonra keçirilən mətbuat konfransında Şahin Diniyev “Kəpəz”in artıq çətin psixoloji durumdan çıxdığını bildirdi. Bəs sən nə düşünürsən?
- Mövsümün ikinci hissəsinin “İnter” ilə ilk matçında fasilədən sonra komandanın oyununda durğunluq yarandı. Ardıcıl “Zirə” və “Sumqayıt”a qarşı matçlarda uğursuzluğa düçar olduq. Amma “Qarabağ” ilə oyun öncəsi istər məşqçilər korpusu, istərsə də futbolçularda əhval-ruhiyyə yerində idi, tam başqa motivasiya, istək vardı. Düşdüyümüz vəziyyətdən çıxmaq üçün daha həvəslə mübarizə aparmağa hazır idik. Futbolçular olaraq məşqlər və oyunlardan sonra oturub söhbətləşirik, birlikdə durumu müzakirə edirik. Yaxşı başa düşürük ki, bu böhrandan yaxa qurtarmalıyıq. Çünki belə davam edə bilməz. Kimin oynamasından asılı olmayaraq komanda kimi çətin vəziyyətdən çıxmalıyıq. “Qarabağ”a qarşı oyun göstərdi ki, uşaqlar meydanda lazımınca vuruşdular, hər qarış uğrunda mübarizə apardılar. Əslində digər görüşlərdə də yaxşı oynamağa çalışmışdıq, amma adi səhvlərdən qollar buraxıb uduzmuşuq. Artıq psixoloji sarsıntı geridə qalıb, “Neftçi” ilə qarşılaşma bizim üçün dönüş nöqtəsi olmalıdı. İnşallah, belə də olar.
- Yeri gəlmişkən, baş məşqçi matçdan sonra səni də oyununa görə fərqləndirib haqqında xoş sözlər söylədi.
- İlk öncə deyim ki, bəzi mütəxəssislər və jurnalistlər məni artıq karyeramı bitirmiş qapıçı hesab edirdilər. İtirib-axtaran da yox idi. Sağ olsun ki, Şahin müəllim hamının gözündə sönmüş qolkiperə inanaraq komandasına cəlb etdi və “Qarabağ” kimi güclü rəqiblə görüşdə çərçivədə etimad göstərdi. Mən bəslənən ümidləri doğrultmaq üçün bu oyunda çox çalışdım ki, qol buraxmayım. Amma minimal hesabla uduzduq. Fikrimcə, qapıda pis durmadım. Arzum bunun davamını gətirməkdir. Sübut etmək istəyirəm ki, bu komandaya elə-belə gəlməmişəm, “Kəpəz”ə kömək etmək istəyirəm.
- Şans gözləyirdin?
- Komandada 3 qapıçıyıq, Tadas Simaitis, mən və Eyyub Əliyev. Açıq deyək, ehtiyatda olan qapıçının əsas heyətə düşməsi ilk “11-lik”dəkinin səhvlərindən, cəzalı olmasından və zədələnməsindən sonra reallaşa bilər. Odur ki, həmişə şans gözləmək və oynamağa hazır olmaq lazımdır. Sağ olsun ki, məşqçilər korpusu mənə güvəndi.
- Uzun müddət elitada oynamayan qapıçı kimi mövqeyində inamlı ola biləcəyini gözləyirdin?
- 4 ilə yaxındır ki, Premyer Liqada oynamırdım. Uzun müddətdən sonra meydana çıxdım. Əslində əvvəllər “Qarabağ”, “Qəbələ”, “Neftçi” və digər iddialı klublara qarşı çox oynamışam. Ona görə də təcrübəmə güvənirdim, bilirdim ki, bunun sayəsində inamlı çıxış edə bilərəm. Mövqeyimdə çox rahat idim, həyacanlanmırdım. Uşaqlara da minnətdaram ki, mənə dəstək oldular. Hər epizodda yanımda idilər.
- Növbəti oyun üçün nə düşünürsən, qapıda sən duracaqsan?
- Yəqin ki, yenə mənə güvənərlər. Amma dəqiq heç nə bilmirəm. Şahin müəllim nə qərar versə, ona hörmətlə yanaşacağam. Yenidən çərçivəyə keçməyi çox istəyərəm. Ancaq bu, tək məndən asılı deyil.
- “Qarabağ”a qarşı görüşdə “Kəpəz”in heyətində Premyer Liqada debüt etdin. Əvvəllər komanda birinci divizionda çıxış edərkən qapıda durmusan. Lakin gəl razılaşaq ki, elita ilə aşağı liqa arasında fərqlər var.
- Əlbəttə, fərqlər var, özü də böyük fərqlər. Birinci divizionda həmin vaxt limit vardı, komandaların heyətində çıxış edənlərin əksəriyyəti gənclər idi. Bundan əlavə elita ilə müqayisədə zəif klublara qarşı oynayırdın. Rəqibləri aşağılamaq kimi çıxmasın, amma Premyer Liqada klublar olduqca güclüdür. Avropa Liqasının qrup mərhələsində oynamış klublara qarşı oynamaq asan məsələ deyil. Bununla belə, “Kəpəz” harada yarışmasından asılı olmayaraq həmişə “Kəpəz”dir. Bu komandanın tarixi, titulları və böyük azarkeş ordusu var. Çox şadam ki, “Qarabağ” ilə oyunda yenidən azarkeşlərin qarşısına çıxdım və hardasa onların etimadını doğrulda bildim. Bir neçə dəfə də adımı səsləndirdilər, bunun üçün fanatlara təşəkkür edirəm. Qoy komandadan soyumasınlar, rəqiblər gücləniblər, amma biz də asan təslim olmaq fikrində deyilik. Çempionatda çox oyunlarımız Gəncədə olacaq, sona kimi arxamızda dayansınlar. Vallah, heç kim uduzmaq istəməz. “Kəpəz”də yer alan futbolçular kluba uduzmağa gəlməyiblər, yenilgi ilə barışmırlar. Azarkeşləri də başa düşürük və tezliklə onları sevindirməyə çalışacağıq.
Şərh yazılmayıb
|
ŞƏRH YAZ
|
Çox oxunan xəbərlər
- AFFA-nın yeni baş katibi o olacaq - ÖZƏL
- “Zirə” və “Birbaşa Bakı”dan növbəti qələbə
- “Ağ-qaralar”ın “Black Friday”i
- Azərbaycan derbisinə sözardı
- Fariz Nəcəfov: “Razı olmaram ki, “Qəbələ”yə görə idman prinsipləri pozulsun”
- AFFA prezidentliyinə və İcraiyyə Komitəsinə namizədlər açıqlandı
- “Qarabağ FK - 30 mövsüm səfərdə” sənədli filminin təqdimatı olub
- ETOPAZ - uduşun təminatı!
- “Zirə”dən alqışlanası addım
- AFFA prezidentliyi ilə bağlı son durum - hər şey böhran vəziyyətinə doğru?
- Rövnəq Abdullayev Ağsu şəhər stadionuna baxış keçirib
- Şahin Diniyev: “Nəticə baxımından uduzduq, oyun baxımından deyil”
- Sərxan Hacıyev: “Monqolustan və Bolqarıstanla oyunlara görə milliyə mükafat veriləcək”
- Yaşar Seyidov: “Yeni dövlət proqramı futbolun inkişafına zəmin yaradacaq”
- "Açığı, mən də düşünürdüm ki, Azərbaycan çempionatında "bir ayaqla" oynayacam"
-
17:56
Ağırlıqqaldıranlar üçün antidopinq seminarı keçirilib
-
17:45
Azərbaycan Premyer Liqasında 4 oyun üçün hakim təyinatları
-
17:24
Millimizin braziliyalı baş məşqçisi Avropa çempionatına vəsiqəni hədəfləyir
-
17:09
“Səbail” növbəti mövsümə aşağı diviziondan başlayacaq?
-
16:32
"Böyük İpək Yolu"nun qalibi: "Rəqiblərim güclü olsa da, yarış mənim üçün yaxşı keçdi"
-
16:11
“Qarabağ” qızıl medalları bu tur təmin etsə, çempionluq kubokuna nə vaxt qovuşacaq?
-
15:53
Azərbaycan boksçusu "Böyük İpək Yolu" turnirində qızıl medal qazanıb
-
15:07
Azərbaycan millisinin baş məşqçisi: "Komandamızın səviyyəsini gördük"
-
14:28
"Neftçi"nin heyətində 2 itki
-
14:00
"Turan Tovuz" məşqlərini davam etdirir FOTOLENT
-
13:46
Azərbaycan millisinin Avropa çempionatında potensial rəqibləri məlum olub
-
13:34
Millimizin kapitanı: “Azərbaycan xalqı bizdən nəticə gözləyir”
-
13:15
Ağabala Ramazanov qayıtdı - FOTO
-
12:57
"Sumqayıt"da üzlər gülür FOTOLENT
-
12:39
Azərbaycan minifutbol çempionatı: 1/4 final cütləri müəyyənləşib
-
12:25
Azərbaycan gimnastları Fransada beynəlxalq turnirdə iştirak edəcəklər
-
12:12
Millimizin üzvü İndoneziya klubunda
-
11:58
Azərbaycan millisi "Qalatasaray"a qalib gəlib
-
11:03
Azərbaycanın daha 4 boksçusu Bakıdakı beynəlxalq turnirin finalına vəsiqə qazanıb
-
10:46
Minifutbol çempionatı: pley-offun bütün iştirakçıları müəyyənləşdi
-
10:24
"Zirə"nin hücumçusu Burkino Fasoya qarşı oynadı
-
10:11
Orxan Məmmədov millinin hazırlıq planı ilə tanış olub FOTOLENT
-
09:59
Azərbaycan Kubokunda sonuncu yarımfinalçı müəyyənləşib
-
09:47
"Neftçi" "Qəbələ" səfərinə hazırlaşır FOTOLENT
-
09:30
Azərbaycan cüdoçuları Almaniyada təlim-məşq toplanışlarına qatılıblar
-
18:07
“Neftçi”yə lazım olmayan hücumçu "Mölde"də
-
17:51
"Selcan Mahsudovanın uğuru bizi qürurlandırır"
-
17:25
Azərbaycan millisi beynəlxalq turniri 9 medalla başa vurub
-
16:48
Hakimlər üçün seminar keçirilib
-
16:36
Azərbaycan millisi İrəvana getməkdən imtina etdi
-
16:19
Bölgə komandası çempionatdan kənarlaşdırıldı
-
16:13
AFFA hakimin şərəf və ləyaqətini alçaldan məşqçini futboldan uzaqlaşdırdı
-
15:54
"Şəmkir"in futbolçusundan baxımlı qol VİDEO
-
15:22
Azərbaycan gimnastı: “Olimpiadaya lisenziya qazanmaq uşaqlıq arzum idi”
-
15:01
Azərbaycan avarçəkəni beynəlxalq turnirdə gümüş medal qazanıb
-
14:48
Azərbaycanın 5 ağırlıqqaldıranı Dünya Kubokunda çıxış edəcək
-
14:35
Azərbaycan Voleybol Federasiyası daha bir layihəyə başlayacaq
-
14:17
II Liqada 5 turun oyun cədvəli açıqlandı
-
13:56
PFL rəsmilərinin son durumu açıqlandı
-
12:20
IV Avropa Oyunları İstanbulda keçiriləcək
-
11:49
"Azərreyl"in üzvü: "Hədəfimiz pley-offda uğurumuzu davam etdirməkdir"
-
11:32
Lunyov: “2-5 mövsüm yaxşı səviyyədə oynaya bilərəm”
-
11:14
"Zirə"dən ardıcıl 15-ci qələbə
-
10:51
AFFA-nın yeni baş katibi o olacaq - ÖZƏL
-
10:28
Azərbaycanın 2 boksçusu "Böyük İpək Yolu"nda bürünc medal qazanıb
-
10:03
“Səbail”in hücumçusu: 1 qol, 2 qələbə
-
09:47
Benzia bu dəfə dubl etdi VİDEO
-
09:30
Gürcüstanın tarixi qələbəsi VİDEO
-
21:24
Millimiz Ukrayna ilə bacarmadı VİDEO
-
18:48
Samir Əliyev: "Mənim yerimdə kim olur-olsun, çətin məsələdir"