“Birinci hissədə Azərbaycan yığması bizdən daha yaxşı oynadı”

FİFA-nın ilk vitse-prezidenti Valentin Qranatkinin xatirəsinə həsr olunan XXIX beynəlxalq turnir davam edir. 

 

Futbolxeber.az saytının məlumatına görə, bu gün 19 yaşadək futbolçulardan ibarət Azərbaycan millisinin yer aldığı C qrupunda da mübarizəyə yekun vurulub. Komandamız son turda Slovakiyaya 0:1 hesabı ilə uduzaraq qrupda qalıb.

 

Matçdan sonra slovakiyalıların baş məşqiçisi Milan Malatinski qələbəni belə şərh edib: “Təbii ki, qələbəyə görə çox sevinirik. Azərbaycan yığma komandasının bəxtinin gətirməməsi fikri ilə razıyam. Rəqibimizin güclü komanda olduğunu düşünürəm və yaxşı futbol oynayıb qələbə qazana bilməmək çox pis təsir edir. Xüsusilə, birinci hissədə Azərbaycan yığması bizdən daha yaxşı oynadı. Lakin penaltidən yararlana bilmədikdən sonra uşaqlar sanki toparlandılar. Bir daha bildirirəm ki, qələbəyə görə çox şadam”.

 

Qeyd edək ki, Slovakiyaya millisi qrupda ikinci yeri tutub.