"Neftçi"nin rəqibini tanıyaq

Artıq "Neftçi"nin Çempionlar Liqasının II təsnifat mərhələsindəki rəqibi məlumdur. Futbolxeber.az-ın məlumatına görə, çempionumuz Albaniyanın "Skenderbeu" klubu ilə qarşılaşacaq.

Korça şəhərini təmsil edən "Skenderbeu"nun əsası 1909-cu il, aprelin 15-də qoyulub. Komanda adını Albaniyanın tarixi qəhramını Skanderbeqadan götürüb. "Neftçi"nin rəqibi tarixi ərzində 4 dəfə - 1933, 2011, 2012, 2013-cü illərdə Albaniya çempionu tituluna sahib çıxıb. Komanda həmçinin 3 dəfə (1958, 1965, 1976) ölkə kubokunda final oynayıb. Ev oyunlarını eyniadlı stadionda oynayır. "Skenderbeu"nun tamaşaçı tutumu 12 mindir. Kaçar təmsilçisinin prezidenti Adrian Takay, baş məşqçisi isə Mirel Yosadır. Komanda ev oyunlarını qırmızı-qara, səfər matçlarını isə ağ-qırmızı formada keçirir.

Son 2 ildə Çempionlar Liqasında mübarizə aparan Albaniya çempionunun hər iki cəhdi uğursuz alınıb. Komanda 2 il əvvəl Kipr APEOL-inə 2 oyunun cəminə görə 0:6 (0:2 və 0:4), ötən il isə Macarıstan çempionu "Debrets"enə 1:3 (evdə 1:0, səfərdə 0:3) uduzaraq, mübarizəni erkən dayandırıb.