30 Mart 2024, Şənbə
"Qarabağ" çempionluğunu rəsmiləşdirdi
XXXI və XXXII turun oyun cədvəlləri
Ağabala Ramazanov qayıtdı - FOTO
"Zirə"dən ardıcıl 15-ci qələbə

Ölkə futbolu

Millət vəkili Cavid Hüseynovun müdafiəsinə qalxdı: “...üzücü bir haldır”

Millət vəkili Fazil Mustafa hazırda həbsdə olan “Qəbələ”nin sabiq kapitanı Cavid Hüseynov barədə yazıb.

Futbolxeber.az saytı millət vəkilinin sosial şəbəkədə yer alan fikirlərini təqdim edir:

- "Qəbələ" futbol klubunun istedadlı futbolçusu Cavid Hüseynovun artıq uzun müddətdir həbsxanada olması həqiqətən də üzücüdür. Jurnalistin ölümündə bilavasitə iştirakının olmasına nədənsə inana bilmirəm. Dünyasını dəyişmiş insanın valideyinlərinin duyğularını əlbəttə başa düşürəm, Cavidin qohumlarının jurnalistə qarşı zor tətbiq etməsini qınayıram, ancaq bir az da bu hadisə jurnalist ölümü ilə bağlı olduğundan beynəlxalq ictimaiyyətə mesaj vermək xatirinə sanki Cavid Hüseynova bu cür sərt cəza verildi. Bu cür istedadlı idmançılarımız çox deyil, gənc qohumlarının əməllirinin cəzasının ona şamil edilməsi məncə ədalətli sayılmaz. Şəxsən mən hansısa formada ölkə prezidentinə onun əhvi üçün müraciət etməyi məqsədəuyğun sayıram. Məncə, bu hadisə nəticəsində dünyasını dəyişmiş mərhum jurnalistin ailəsinə də bunu izah etmək mümkündür ki, bilavasitə bu əməli törətmiş insanlar layiqli cəzalarını alıblar, ola bilsin ki, Cavidin hansısa emosional addımı da proseslərin dramatikləşməsinə gətirib çıxarıb, ancaq burada bir gəncin, ailəsi qaçqınlıq həyatının iztirablarını yaşamış bir istedadlı futbolçunun hansısa səhvinin onun peşəsindən uzaqlaşmasına, uzun müddət həbsxanada qalmasına rəvac verməsi üzücü bir haldır. Anlayışla qarşılayıram ki, jurnalist Rasim Əliyevin döyülərək öldürülməsinə görə həmkarları bu mövqeyə etiraz bildirsinlər, ancaq nəzərə almalıyıq ki, artıq neçə müddətdir bu adam həbsdədir, çox güman ki, öz səhvlərindən peşmanlıq duyur. Onun azad olunması üçün lazımı addımlar atılacağına nədənsə ümidim böyükdür. Allah qapısını açsın!

 

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31