29 Mart 2024, Cümə
XXXI və XXXII turun oyun cədvəlləri
Ağabala Ramazanov qayıtdı - FOTO
"Zirə"dən ardıcıl 15-ci qələbə
“Səbail”in hücumçusu: 1 qol, 2 qələbə

Ölkə futbolu

“Maribor”un baş məşqçisi: “Özümü xoşbəxt saya bilərəm”

“Möhtəşəm oyun keçirdik. Biz daha güclü komanda idik”. Futbolxeber.az saytının apasport.az-a istinadən verdiyi məlumata görə, bunu “Maribor”un baş məşqçisi Darko Milaniç deyib.

Avropa Liqasının pley-off mərhələsində “Qəbələ”ni qəbul edən Sloveniya klubu 1:0 hesablı qələbəyə baxmayaraq, mübarizəni dayandırıb. Çünki Bakıdakı matçda təmsilçimiz 2 top fərqi ilə (3:1) qalib gəlmişdi.

Dünənki oyundan sonra mətbuat konfransında fikirlərini bildirən Milaniç mərhələ adlamağa layiq oyun göstərdiklərini söyləyib: “Avropa Liqasının pley-off mərhələsində nadir hallarda oyun bir komandanın dominantlığı ilə keçir. Uşaqlar təbrikə layiq çıxış etdilər. Hələ ilk hissədə göstərdik ki, vaxt itirmədən qollar vurmaq istəyirik. Nəyin bahasına olursa-olsun, hücum etməli idik. Təbii ki, kor-koranə yox, plan üzrə. Qonaqlar yaxşı müdafiə olunduğundan, bizə boş sahə vermirdilər. Elə ki, boşluq görürdük, dərhal təhlükə yaradırdıq. Oyunu hücumda keçirdik, rəqibə göz açmağa imkan vermədik. Təəssüf ki, bu, uğur qazanmaq üçün kifayət etmədi”.

49 yaşlı mütəxəssis Avrokubokla vidalaşdıqları üçün məyus olduqlarını bildirib: “Ancaq bu oyunu gördükdən sonra özümü xoşbəxt saya bilərəm. Çünki gözəl çıxış etdik. Hiss edirəm ki, bu uşaqlar gələcəkdə istədiyimiz nailiyyəti əldə edə biləcəklər. Digər matçlarda da bu cür enerjili oynasaq, hər şey fərqli olar. İndi bunu təkrarlamaq lazımdı. Bilirəm ki, çempionat qarşılaşmalarında belə ajiotaj olmayacaq, tribunalar tam dolmayacaq. Ancaq oyun baxımından geriləmək olmaz. Artıq çempionata köklənməliyik. Vaxtımız da çox deyil”.




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31