28 Mart 2024, Cümə axşamı
Ağabala Ramazanov qayıtdı - FOTO
"Zirə"dən ardıcıl 15-ci qələbə
“Səbail”in hücumçusu: 1 qol, 2 qələbə
U-21 millimiz Ukraynaya da uduzdu

Ölkə futbolu

“Qəbələ”də yeni təyinat

Uzun illərdir “Qəbələ”də müxtəlif sahələrdə çalışan məşqçi Elşən İsgəndərova yeni vəzifə tapşırılıb. Futbolxeber.az-ın məlumatına görə, o, “Qəbələ”də Futbolun Kütləviləşdirilməsi, Seleksiyası və Məşq Bazası Departamentinə direktor təyin olunub. Bu həmin departamentdir ki, indiyə qədər FKD (Futbolun Kütləviləşdirilməsi Departamenti) kimi tanınırdı.

E.İsgəndərov “Qəbələ İK” qəzetinə açıqlamasında bildirib ki, yeniləşmiş departamentdə geniş proqramla fəaliyyət göstərəcək: “Biz bütün kəndlərə, məktəblərə gedərək, “Qəbələ” İdman Klubunu daha da tanıtdırmağa, sevdirməyə çalışacağıq. Uşaqlara təkcə futbolla bağlı deyil, klubumuzun nəzdində fəaliyyət göstərən digər idman növləri haqqında da məlumat verəcəyik. Bunu kiçik iş planımız hesab edirik. Əsas məqsədimiz isə sırf futbolun tətbiqidir. Əyləncəli oyunlar sayəsində qəbələli uşaqlar arasında futbolu kütləviləşdirmək, daha sonra seçimlər apararaq, onlara ilk təməl məşqləri keçməklə akademiyaya hazırlamaq fikrindəyik”.

Xatırladaq ki, Elşən İsgəndərov klub Qəbələyə köçdüyü ilk gündən burada işləyir. Əvəzedicilərlə 1 gümüş və 4 bürünc medala layiq görülən E.İsgəndərov 19 yaşlılarla çempionluq sevinci yaşayıb. Həmsöhbətimiz son iş yeri ilə indikini də müqayisə edib: “Əvvəlki və hazırkı işim arasında böyük fərq var. Əgər əvəzedici komandada intensivlik, fiziki, taktiki, psixoloji hazırlıq öndə dururdusa, kiçikyaşlı uşaqlar üçün tam fərqli iş prinsipləri mövcuddur. Onlara metodikanı öyrətmək önəmlidir. Bizim işimiz başlanğıc, bünövrə sayılır, strukturu düzgün qurmaqdan ibarətdir. Əvəzedicilərdə yalnız futbolçularla işləyirdiksə, burada uşaqlarla yanaşı onların valideynləri, məktəb idman müəllimləri, təhsil şöbəsi ilə sıx təmasda oluruq”.




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31