PFL-dən vaxtından əvvəl başlanan oyunla bağlı açıqlama

Azərbaycan çempionatının I divizionunda IX tur çərçivəsində keçirilən “Şərurspor” - “Zaqatala” matçının vaxtından əvvəl başlanması haqda xəbər vermişdik. Belə ki, görüş 20:30-da deyil, 19:30-da start götürüb.

Peşəkar Futbol Liqasının Informasiya və Ictimayyətlə Əlaqələr Departamentinin rəhbəri Aslan Şahgəldiyev Futbolxeber.az saytına açıqlamasında məsələyə belə münasibət bildirib: “Həqiqətən də oyun 20:30-da başlamalıydı. Bundan əvvəl isə “Bayıl Arena”da Bosniya və Hersoqovinanın 19 yaşadək futbolçulardan ibarət milli komandasının məşqi olmalıydı. Lakin həmin məşq təxirə salınıb. Bu səbəbdən də 2 komandanın və görüşün hakim-inspektorunun qarşılıqlı razılığı əsasında matç 1 saat tez start götürüb. Təbii ki, tərəflər bununla bağlı PFL-i xəbərdar ediblər və razılıq alıblar”.