“Səhərə kimi oynamağa hazıram, yetər ki, Afinada mərhələ adlayaq”

“Panatinaikos”un baş məşqçisinin mətbuat konfransında səsləndirdiyi fikirlərlə tanışam. O, taktikanı deyil, ilk görüşlə müqayisədə bəzi oyunçularını dəyişəcəyini bildirib”.   

Futbolxeber.az-ın Afinaya ezam olunmuş əməkdaşının verdiyi məlumata görə, bu sözləri “Qəbələ”nin baş məşqçisi Roman Qriqorçuk deyib.

Ukraynalı mütəxəssis rəqibi yaxşı analiz etdiklərini bildirib: “Panatinaikos”un bir çox oyunlarına baxmışıq. Onların necə oynadıqlarını çox gözəl bilirik. Biz də rəqibin necə oynadığını nəzərə alaraq, müəyyən dəyişikliklər edəcəyik”.

Penaltilər barədə suala isə “Qəbələ”nin çalışdırıcısı belə cavab verib: “Mən səhərə kimi oynamağa hazıram. Yetər ki, mərhələ adlayaq. Lap lazım olsa, 100 penalti də vurarıq. Əsas odur ki, istəyimizə çataq”.