23 Aprel 2024, Çərşənbə axşamı
Boksçumuz ermənini məğlub etdi
Şahin Diniyevdən qələbə şərhi
Tiaqo Silva: “Qələbə haqqımızdır”
“Aznur” və “Birbaşa Bakı” finalda

Ölkə futbolu

Cavid Hüseynovun anası danışdı

XALİDƏ HACIYEVA: “OĞLUM TƏQSİRSİZDİR, O, QARIŞQANI BELƏ İNC0DƏCƏK ADAM DEYİL”

“Cavid hər işində ailəsi ilə məsləhətləşirdi. Klubla bağlı işlərində belə qardaşı və mənimlə məsləhətləşərdi. Cavidin zərrə qədər də olsun günahı yoxdur”. Futbolxeber.az-ın məlumatına görə, bu sözləri musavat.com-a açıqlamasında jurnalist Rasim Əliyevin ölümünə görə həbs edilən “Qəbələ” futbol klubunun kapitanı Cavid Hüseynovun anası Xalidə Hacıyeva deyib.

Oğlunun günahsız olduğunu deyən X.Hacıyeva mətbuatda ailələri və Cavid haqda yazılanların həqiqəti əks etdirmədiyini söyləyib.

X.Hacıyeva Cavid Hüseynovla Elşən İsmayılov arasında yaxın münasibətlərin olmadığını deyib: “Elşəni 23 il ərzində 2 dəfə görmüşəm. Onlarla qohumuq, amma ailələr arasında çox gediş-gəliş olmayıb. Bibi-dayı oğludular, buna baxmayaraq aralarında yaş fərqi çoxdur. Həm də Cavid ailəlidir, görüşməyə vaxtı yox idi”.

X.Hacıyeva oğlunun E.İsmayılovun (Cavid Hüseynovun bibisi oğlu red.) səhvinə görə cəzalandırılmasını istəmədiyini söyləyib: “Bunu oğlum olduğu üçün, onu müdafiə etməyə görə demirəm. Cavid bir qarışqanı incidəcək insan deyil. Onu tanıyan tanıyır”.

X.Hacıyeva hadisədən Rasim Əliyevin ölümündən sonra xəbər tutduğunu bildirib: “Xəbərimiz yox idi. Günəşli qəsəbəsində olan evimizə polis əməkdaşları gedib. Biz orda qalmırdıq. Qonşular bizə zəng etdi ki, bəs sizi polis axtarır. Polislər Cavidi Qəbələyə gedəndə Şamaxı postunda saxlayıblar. Ordan da Səbayel Rayon Polis İdarəsinin 8-ci polis bölməsinə aparıblar. İzahat alıb buraxıblar”.

X.Hacıyeva deyib ki, Cavid Hüseynov evə qayıdandan sonra hadisə haqda ətraflı danışmaq istəyib: “Evə gələndə dedi ki, izahat verdi. Jurnalisti döyənlərlə üzləşdirildim. Elşəndən başqa heç biri məni tanımırdı. Elə bir halda idi ki, əlavə nəsə danışmaq istəmirdi. Cavidə səhər 8-də yenidən bölməyə gəlməsini demişdilər”.

Xatırladaq ki, avqustun 8-də jurnalist Rasim Əliyev Bayıl qəsəbəsində Cavid Hüseynovun bibisi oğlu Elşən İsmayılov və onun 4 dostu tərəfindən döyülmüşdü. Rasim Əliyev avqustun 9-da xəstəxanada vəfat etmişdi. Jurnalistin ölümünə görə, Cavid Hüseynov, Elşən İsmaylov və jurnalistin döylməsində iştirak edən digər 4 nəfər də həbs edilib.




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Aprel 2024
B.eÇ.aÇC.aCŞB
01 02 03 04 05 06 07
08 09 10 11 12 13 14
15 16 17 18 19 20 21
22 23 24 25 26 27 28
29 30