28 Mart 2024, Cümə axşamı
Ağabala Ramazanov qayıtdı - FOTO
"Zirə"dən ardıcıl 15-ci qələbə
“Səbail”in hücumçusu: 1 qol, 2 qələbə
U-21 millimiz Ukraynaya da uduzdu

Ölkə futbolu

"Qəbələ": 32 tur, 34 futbolçu, 3 baş məşqçi

 

"Qəbələ"nin rəsmi saytı komandanın çıxışı ilə bağlı statistik yazı hazırlayıb. Futbolxeber.az həmin yazını təqdim edir:
 
2012/13 mövsümünün yekunları - 1
 
- Premyer Liqanın 2012/13 mövsümündə 34 futbolçu “Qəbələ”nin şərəfini qoruyub. 
 
- Premyer Liqanın 2012/13 mövsümündə “Qəbələ”nin heyətində ən çox oyun keçirənlər Luiz Paulo Hilaro və Yannik Kamanandır. Onlar hərəsi 30 dəfə meydana çıxıb. Luiz dəqiqə baxımından komanda yoldaşını arxada qoyub – müvafiq olaraq 2544 və 1977 dəqiqə. 
 
- Ümumilikdə 11 futbolçu oyunların ən azı yarısında – minimum 17 qarşılaşmada meydana çıxıb. 
 
- 4 futbolçu isə cəmi 1 oyunda iştirak edib. Bunlar Murad Musayev, Muammer Erdoğdu, Sadiq Quliyev və Rəşid Əmiraslanovdur.
 
- 34 futbolçudan 2-si qapıçıdır: Dieqo Kosta və Anar Nəzirov. Onlar eyni sayda hərəyə 16 oyun keçirib və 1440 dəqiqə meydanda olublar. Anar 21, braziliyalı legioner 19 top buraxıb. 
 
- Digər 32 futbolçu isə sahə oyunçularıdır.
 
- Bu oyunçulardan 11-i qol sevinci yaşayıb. 
 
- Hərəyə 6 dəfə fərqlənən Lourival Rodriges və Viktor Mendi ümumilikdə 32 qolu olan komandanın ən yaxşı bombardirləridir. Yannik Kamanan və Rəşad Abdullayev hərəyə 5, Luiz Hilario 3 dəfə rəqib qapısına yol tapıb. Umar Kalabanenin 2 qolu var. Bruno da Silva, Dejan Kelhar, Aleksandr Çertoqanov, Mustafa Dabo və Luka Zinko isə 1 qolun müəllifi olublar.
 
- Komandamızın lehinə 6 penalti təyin edilib. Bu zərbələrdən yalnız 3-ü dəqiq olub. Abdullayev hər 2 imkanı qola çeviribsə, Rodriges 2 zərbədən birində hədəfə düşüb. Da Silva ilə Kamanan isə penaltidən yararlanmayıb.
 
- “Qəbələ”nin qapısına təyin edilən 4 penalti 2 qapıçı arasında bərabər bölünüb. Nəzirov hər iki zərbəni buraxıbsa, Kosta 1 dəfə rəqibin yanlış zərbəsinə sevinib.
 
- “Qəbələ” mövsüm ərzində 72 sarı vərəqə ilə cəzalanıb.
 
- 34 futbolçudan 25-i ən azı 1 sarı vərəqə alıb. 
 
- Hamıdan çox – 8 dəfə Ürfan Abbasova sarı vərəqə verilib. Luiz Hilario, Elmar Baxşıyev, Daniel Lopes Kruz da 7 sarı alıb.
 
- Cəmi 9 futbolçu Premyer Liqa ərzində cəzalanmayıb.
 
- Onlar arasında ən çox oyun Bruno da Silva keçirib. O, 17 matçı cəzasız keçirib.
 
- İntizamlılar arasında meydanda ən çox dəqiqə keçirən də Brunodur - 1168 dəqiqə. - “Qəbələ” çempionat ərzində 7 dəfə qırmızı vərəqə alıb. Futbolçular 1 dəfə birbaşa, 6 dəfə ikinci sarı vərəqə görə qırmızı vərəqə alıb. Aleksandr Çertoqanov hamıdan çox – 3, Ürfan Abbasov, Vurğun Hüseynov, Rövşən Əmiraslanov və Rəşad Abdullayev hərəyə 1 dəfə meydanı vaxtından əvvəl tərk edib. Rəşad birbaşa, digərləri ikinci sarıya görə bu aqibətlə üzləşib.
 
- “Qəbələ”nin şərəfini qorumuş oyunçuların 19-u yerli, 15-i legioner statusu daşıyır.
 
- Yerlilərdən biri Aleksandr Çertoqanov milliləşən ukraynalıdır.
 
- Onu yerli statusu ilə saysaq, “Qəbələ”də 9 ölkədən legionerlər çıxış edib. Komandada Braziliyadan 5, Sloveniya və Seneqaldan 2, Serbiya, Fransa, Nigeriya, Rumıniya, Qvineya, Türkiyənin hərəsindən 1 oyunçu oynayıb.
 
- Komandanın ən yaşlı futbolçusu Yaşar Abuzərovdur. Martın 13-də “İnter”lə görüşdə onun 35 yaş 5 ay 24 günlüyü idi.
 
- Komandanın ən gənc futbolçusu isə Sadiq Quliyevdir. O, aprelin 28-də “Qarabağ”la baş tutan matç zamanı 18 yaş 1 ay 19 günlük idi. 
 
- Ümumilikdə mövsümün sonunadək 34 futbolçudan 11-i 30 yaş həddini aşıb, 3-ü isə 20 yaşı tamam olmayandır.
 
- “Qəbələ”nin 34 futbolçusunun orta yaş həddi 26 yaş 10 ay 24 gündür. 
 
- Komandanın uğurlu fərqi qol seriyası Yannik Kamanana məxsusdur. O, XX və XXI turlarda üst-üstə 3 qola sevinib. Luiz Hilario XI və XII, Rəşad Abdullayevlə Viktor Mendi isə XIII və XIV turlarda ardıcıl qol sevinci yaşayıb.
 
- “Qəbələ” 7 oyunda qapısını toxunulmaz saxlayıb. “Quru oyun”ların 4-ü Dieqo kosta, 3-ü Anar Nəzirovun hesabındadır. Onların heç biri ardıcıl 2 belə matç keçirməyib.
 
- Çempionat ərzində “Qəbələ”ni  meydana 5 kapitan çıxarıb: Rəşad Abdullayev – 21, Elmar Baxşıyev – 6, Aleksandr Çertoqanov – 3, Yannik Kamanan, Vurğun Hüseynov – hərəsi 1.



Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31