“Bakı”da qeyri-müəyyənlik davam edir: son maaşlar verildi, hamı Hafiz Məmmədovdan cavab gözləyir

Cari mövsümdə 9-cu yeri tutan və növbəti mövsümdə Premyer Liqada iştirak etmək üçün lisenziya ala bilməyən “Bakı”da qeyri-müəyyənlik davam edir. Futbolxeber.az-ın məlumatına görə, hazırda klubda heç kim “Bakı”nın gələcək taleyinin necə olacağını bilmir. Bir müddət öncə klub prezidenti Hafiz Məmmədovun “Premyer Liqanı “Bakı”sız təsəvvür edə bilmirəm” sözləri çoxlarını ümidləndirmişdi. Lakin klub rəhbərindən yeni xəbər yoxdur.

“Bakı”nın növbəti mövsümdə I divizionda mübarizə aparıb-aparmayacağı, problemləri həll edib yenidən Premyer Liqada yarışıb-yarışmayacağı hələ də sual altındadır. Bütün bu sualların cavabı isə Hafiz Məmmədova bağlıdır. “Bakı” rəsmiləri klub prezidentinin tezliklə bütün məsələləri həll edəcəyinə ümid edirlər.

Bu arada dünən “Bakı”nın üzvlərinə sonuncu, may ayının maaşları da ödənilib.