Ölkə futbolu
"Qarabağ" uzun müddət bir məşqçinin rəhbərliyi altında çıxış etdiyi üçün uğur qazanır”
“Qarabağ" və "Neftçi" arasında keçirilən Azərbaycan kubokunun final matçını canlı olaraq stadiondan izləyən yazıçı, millət vəkili Aqil Abbas bununla bağlı müsahibə verib.
- Əvvəlcə finalla bağlı təəssüratlarınızı bilmək istərdik.
- Öncə onu deyim ki, hələ belə final görməmişdim.Bunun üçün Peşəkar Futbol Liqasına alqış düşür. Oyundan əvvəl azarkeşlər maraqlı konsert proqramı izlədi. Kubok paraşüt vasitəsi ilə meydançanın düz mərkəzinə endirildi. Bütün bunlar bizə ləzzət etdi. Çox gözəl bir oyun alındı. "Qarabağ" uduzsaydı, mənə çox pis təsir edərdi. Çünki Bakıdan Qəbələyə "Qarabağ"a dəstək olmaq üçün getmişdim. "Qarabağ"ın bütün fan-klubları orda idi. Bundan əlavə Ağdamdan xeyli azarkeş gəlmişdi. Mən qəbələlilərə təşəkkür etmək istəyirəm. Sona qədər "Qarabağ bizimdir, bizim olacaq" şüarı səsləndirdilər. Qəbələ əhalisi "Qarabağ"a böyük dəstək oldu. Təbii ki, "Qarabağ"a azarkeşlik etdim. Mən bu komanda ilə yaşayıram. Ən ağır vaxtlarında "Qarabağ"ın yanında idim. Klubun təsisçilərindən biri olmuşam. Hətta fəxri prezidentliyi də mənə həvalə etmişdilər. "Neftçi" də bizim sevdiyimiz komandadır. Arzu edirəm ki, klubun çətinlikləri arxada qalsın.
- Çingiz Abdullayev "Neftçi"nin Müşahidə Şurasına sədr təyin edildikdən sonra həmkar olaraq onunla söhbət etmisiniz?
- Onu telefon vasitəsilə təbrik etmişəm. Bir ziyalının kluba rəhbər gəlməsi təbii ki, gözəl haldır. Çingiz Abdullayev də futbolu sevən bir adamdır. Çalışacaq ki, "Neftçi" inkişaf etsin. Ancaq o, "Neftçi"yə gələndə komanda artıq formada deyildi. "Neftçi"nin bügünkü uğurszuluğu Müşahidə Şurasının günahı deyil. Yəqin "Neftçi" yenidən toparlanar və öz oyununu tapar. "Neftçi" həmişə yüksək səviyyəli oyun nümayiş etdirib. Qurban Qurbanov kubok oyunundan sonra gözəl bir söz dedi. Bildirdi ki, "Neftçi"nin aqibətini biz də yaşaya bilərik. Hər bir klubun enən və yüksələn dövrləri olur. İnanıram və arzu edirəm ki, "Neftçi" rəhbərliyi yaxşı bir strategiya seçəcək və komanda gələn mövsümü uğurlu çıxış edəcək. Çox istərdim ki, Azərbaycanda bütün klublar yüksək səviyyədə çıxış etsin. Fikir verin, son zamanlar "Qəbələ" çox inkişaf edib. Görün, komanda hardan hara gəldi. Heç kim gözləmirdi ki, "Qəbələ" bürünc medalları qazanacaq. Yəqin ki, "Neftçi" də özünü düzəldəcək. İnanıram ki, Çingiz Abdullayev "Neftçi"nin durumuna bir əncam çəkəcək. Təbii ki, o, mütəxəssis deyil, ancaq Müşahidə Şurasında futbolu bilən insanlar cəmləşib.
- Çingiz Abdullayevin "Neftçi"yə rəhbərlik etməsi ictimaiyyət tərəfindən birmənalı qəraşılanmır. Onun futol adamı olmadığını və buna görə də "Neftçi"ni irəli apara bilməyəcəyini deyirlər.
- Futbolda ən pis şey odur ki, bu gün çiyinlərində gəzdirdiklərini sabah ayaq altında təpikləyirlər. Futbolda bu cür qəribəliklər var. İspaniya, İtaliya və bu kimi ölkələrdə çempion olmayan komandanın baş məşqçisi istefa verir. Halbuki, üç gün əvvəl ona heykəl qoyurdurlar. Yəni futbol belə bir şeydir. Çüngiz Abdullayev də birdən-birə heç nə edə bilməz. Bizim klublarımızın ən böyük bəlası məşqçiləri tez-tez dəyişməkdir.
- Elə "Neftçi" də "Qarabağ"a məğlubiyyətdən dərhal sonra Arif Əsədovu istefaya göndərdi.
- Dünəndən idman saytlarını izləyirəm. Hamı yazır ki, Arif Əsədov qovuldu. Klub heç kimin evi deyil ki, məşqçiyə deyəsən dur mənim evimdən çıx, rədd ol. Qovmaq başqa anlama gəlir. Sadəcə, onunla yolları ayırıblar. Arif Əsədovun Azərbaycan futbolunda kifayət qədər zəhməti olub. O, bizim güclü məşqçilərimizdəndir. Məşqçini bu qədər alçaldıb, təhqir etmək lazım deyil. Heç kim məşqçini qova bilməz. Bəlkə, əllərinə bir dəyənək götürüb Əsədovu döyüblər də? Bu, düzgün ifadə deyil. Bizim dilimizdə qovmaq sözü başqa mənanı daşıyır. Qeyd etdiyim kimi, tez-tez məşqçi dəyişməyin tərəfdarı deyiləm. "Qarabağ" uzun müddət bir məşqçinin rəhbərliyi altında çıxış etdiyi üçün uğur qazanır.
- "Qarabağ"dan bu mövsüm avrokuboklarda nə gözləyirsiniz?
- İnanıram ki, "Qarabağ" ötənilkindən də güclü olacaq. Düzdür, komandadan gedən futbolçular var. Amma "Qarabağ" komanda oyunu sayəsində irəli gedir. Lap mən də "Qarabağ"da oynasam, komanda uğur qazana bilər. Çünki "Qarabağ" "Barselona"nın metodlarından istifadə edir. Digər klublarımıza da uğurlar arzulayıram. Ancaq "Qarabağ"dan daha böyük uğur gözləyirəm.
- Daima "Qarabağ"ın oyununu izləyirsiniz. Komandanın son illərdəki uğurunu nə ilə əlaqələndirmək olar?
- Futbolçular getdikcə daha da peşəkarlaşır. Yəni Avropa futboluna yaxınlaşırlar. Azərbaycanda çempion olmaq o qədər də çətin deyil. Avropa klubları ilə oyunlarda isə "Qarabağ" təcrübəsini artırır. Artıq bir çox Avropa komandalarına qalib gələn "Qarabağ" ildən-ilə inkişaf edir. Təcrübə əsas şərtdir. "Qarabağ"ın avrokuboklarda kifayət qədər təcrübəsi var. Bu, növbəti mövsümdə komandamıza uğurlar gətirəcək.
- "Qarabağ"ın avrokuboklarda budəfəki hədəfi nə olmalıdır?
- Təbii ki, hamımız istərdik ki, "Qarabağ" çempion olsun. Bu, olmasa da, 1/8 finala qədər getməlidir.
- Bu mövsüm "Qarabağ"ın hansı futbolçusunun oyunu xoşunuza gəldi?
- Bəyəndiyim futbolçu da var, sevdiyim də. Bunlar başqa-başqa şeylərdir. Maksim Medvedyev, Rəşad Sadıqov, İbarahiş Şehiçin oyununu çox bəyəndim. Bədavi Hüseynovun gözəl gələcəyi var. İndi də yaxşı oynayır və gündən-günə artırır. Ən çox sevdiyim futbolçu isə Vüqar Nadirovdur.
- Həmişə legionerlərin əleyhinə olmusunuz. "Qarabağ"ın legionerləri haqda fikirləriniz necədir?
- Dünyanın hər yerində legioner var. Bu, futbol mədəniyyətidir. Mən legionerin çoxluğunun əleyhinəyəm. Bundan əlavə, Gürcüstanın çayxanalarından və ya Afrikanın barlarından tapıb gətirilən legionerlərin əleyhinə olmuşam. Bütün qaradərili futbolçu Pele deyil axı. Bütün argentinalılar Messi ola bilməz axı. Legioner gəlib bizdən futbol öyrənməsin, biz ondan nəsə öyrənək. "Qarabağ"ın legionerlərinə gəldikdə isə onlar normal futbolçulardır. Hərdən oyunları alınmır. Kubokun finalında Reynaldo tarix yazdı. Ancaq elə olur ki, o da zəif çıxış edir. Muarem yaxşı oyunçu idi. Digərləri haqda da xoş sözlər demək olar.
- "Qarabağ" belə davam etsə, komandanın bir neçə il Azərbaycan çempionu olacağını demək olar?
- İnanıram ki, gələn mövsümü də "Qarabağ" belə davam edəcək. Çempionluq titulunu qoruyacağına da inanıram. Ancaq demək olmaz ki, "Qarabağ" "Barselona" kimi hər il çempion olacaq. Mənim arzumdur ki, "Qarabağ" hər il birinci olsun. Ancaq heç bir komanda uzun müddət çempion ola bilmir. Ən güclü klubların belə bir neçə il ardıcıl çempion olması mümkün deyil. Çünki komandalar bəzən zəifləyir, oyunçu çatımazlığı olur.
Mənbə: qol.az
Şərh yazılmayıb
|
ŞƏRH YAZ
|
Çox oxunan xəbərlər
- AFFA-nın yeni baş katibi o olacaq - ÖZƏL
- “Sabah”da rəhbər dəyişikliyi: Yeni prezident o olacaq - ÖZƏL
- Fərid Qayıbov narazıdır: AFFA-nın konfransını boykot edəcək - ÖZƏL
- AFFA prezidentliyinə və İcraiyyə Komitəsinə namizədlər açıqlandı
- FİFA AFFA-nın konfransında azərbaycanca danışacaq - ÖZƏL
- Zaur Qəhrəmanovun “Neftçi”dən getməsinin səbəbi məlum oldu
- Rövşən Nəcəf: “Etimadı doğrultmaq üçün əlimdən gələni edəcəm”
- AFFA İcraiyyə Komitəsinin üzvü: “Premyer Liqada klub sayının artırılması gündəmdədir”
- Qurbanovdan nümunəvi addım
- İcraiyyə Komitəsinin yeni üzvü “Neftçi”yə gəlişini şərh etmək istəmədi: “İnşallah gələn həftə...”
- AFFA prezidentliyi ilə bağlı son durum - hər şey böhran vəziyyətinə doğru?
- Sərxan Hacıyev: “Monqolustan və Bolqarıstanla oyunlara görə milliyə mükafat veriləcək”
- Prezidentin nəvəsindən Qara Qarayevə dəstək
- Minifutbol millimizin heyəti narazılıqla qarşılandı, baş məşqçi danışmaq istəmədi
- Bəhlul Mustafazadə: “Millidə bütün futbolçular ikiqat çalışırlar”
-
14:15
Azərbaycan atıcıları Olimpiya Təsnifat Çempionatında çıxış edəcəklər
-
13:46
Andersson azarkeşlərə səsləndi: “Boykot narazılığı ifadə etmək üçün ən yaxşı üsul deyil”
-
13:39
“Bojoviçin komandada qalıb-qalmaması mənim fikrimdən asılı olacaq”
-
13:28
“Neftçi”nin idman direktoru maaşını açıqlamaq istəmədi
-
13:20
Yens Andersson: “Sizə söz verə bilmərəm ki, qruplarda oynayacağıq”
-
12:57
"Qəbələ" Abu Akalla vidalaşdı
-
11:52
“Turan Tovuz”, yoxsa “Sumqayıt”?
-
11:14
XXXI turun hakim təyinatları
-
10:31
Azərbaycanın stolüstü tennisçisi beynəlxalq turnirdə bürünc medal qazanıb
-
10:06
Mükafatlar uğrunda oyunların tarixləri müəyyənləşib
-
09:49
"Aston Villa" penatilərlə mərhələ adladı VİDEO
-
09:28
"Fənərbaxça" Konfrans Liqası ilə vidalaşdı VİDEO
-
09:10
İddiaçılar Turniri: Nicat Abasov yenə də uduzdu
-
19:01
“Turan Tovuz” azarkeşlərə səsləndi: Finala bərabər son 6 oyun! VİDEO
-
18:49
“Dinamo” - “Qusar” matçında 4 qol
-
18:16
I Liqada 22-ci tura yekun vuruldu
-
17:32
“Sumqayıt” “Turan Tovuz”la oyuna hazırdır FOTOLENT
-
16:55
Azərbaycan çempionatında ikinci finalçı müəyyənləşib
-
16:24
Hakimlər “kimə işləyir”? - Araşdırma
-
15:47
U-17 millisinin heyətində dəyişiklik
-
15:33
"Neftçi" Zirə” səfərinə hazırlaşır FOTOLENT
-
15:00
Tovuz stadionu ilk dəfə avrokubok oyununu qəbul edə bilər
-
14:28
Azərbaycan şahmatçıları Avropa çempionatında iştirak edəcəklər
-
14:11
Azərbaycanlı hakim Paralimpiadanın cüdo yarışlarına dəvət alıb
-
13:39
Azərbaycan Şahmat Federasiyası yeni loqonun hazırlanması ilə bağlı müsabiqə elan edib
-
13:08
AFFA İntizam Komitəsi iki kluba texniki məğlubiyyət verib
-
12:52
Adi Mehremiçə 4 oyunluq cəza
-
12:46
“Qəbələ”nin meneceri cəzalandırıldı
-
12:40
AFFA 2 klubu cərimələdi
-
12:27
UEFA kursunu uğurla başa vuran qadın məşqçilərə diplomlar təqdim olunub
-
11:54
“Neftçi” ilə oyunda bəxt üzümüzə gülmədi"
-
11:33
U-17 millimiz İnkişaf turnirində iştirak edəcək
-
11:05
Azərbaycan millisinin kapitanı Macarıstan çempionu olub
-
10:56
Məhəmməd Muradlı liderliyini davam etdirir
-
10:42
Azərbaycan cüdo millisinin Polşa toplanışı başa çatıb
-
10:29
“Azərreyl”in kapitanı: "Hədəfimiz çempionluqdur"
-
10:18
Azərbaycan gimnastları Dünya Kubokunda finala yüksəliblər
-
10:03
"Real" "Mançester Siti"ni mübarizədən kənarlaşdırdı VİDEO
-
09:47
UEFA inspektoru "Turan Tovuz"un stadionuna baxış keçirdi
-
09:30
İddiaçılar Turniri: Nicat Abasov yenə uduzdu
-
18:51
“Paris-2024” Yay Olimpiya Oyunlarının startına 100 gün qalıb
-
18:28
17 yaşadək güləşçilər arasında Azərbaycan çempionatı keçiriləcək
-
18:07
“Xəzri” finalda
-
17:43
"İmişli"nin şikayəti qismən təmin olundu
-
17:18
“Aznur”un kapitanı: “Hədəfimiz final yox, çempionluqdur”
-
16:55
Azərbaycan çempionatında ilk finalçı müəyyənləşib
-
16:39
Azərbaycan boks millisinin Avropa çempionatı üçün heyəti açıqlandı
-
16:06
I Liqada hakim təyinatları açıqlandı
-
15:42
Azərbaycanın güləş yığmaları Avropa çempionatına hazırlaşır
-
13:17
İlk dəfə kata üzrə Azərbaycan birinciliyi keçiriləcək