28 Mart 2024, Cümə axşamı
Ağabala Ramazanov qayıtdı - FOTO
"Zirə"dən ardıcıl 15-ci qələbə
“Səbail”in hücumçusu: 1 qol, 2 qələbə
U-21 millimiz Ukraynaya da uduzdu

Ölkə futbolu

Yaşar Seyidov İbrahim Uzuncanın ittihamlarına faktlarla cavab verdi

“Klublar Komitəsinin bugüki iclasında “Bakı” ilə bağlı bir məsələ müzakirə olundu. Daha əvvəlki iclaslarda biz gənc futbolçuların maaş məsələsinə limit qoyulması məsələsini qaldırmışdıq. O, məsələ həll olundu. Bu dəfə isə struktur layihələrin saxlanması ilə bağlı məsələni gündəmə gətirdik”. Futbolxeber.az saytına verdiyi müsahibədə bu sözləri “Bakı”nın icraçı direktoru Yaşar Seyidov deyib.

Seyidov qeyd edib ki, “Bakı”nın bazasındakı meydançaların saxlanılması üçün böyük vəsait tələb olunur: "AVRO-2020-nin bir neçə oyununun ölkəmizdə keçirilməsində "Bakı" Futbol Klubunun təlim-məşq bazasının rolu oynayıb. UEFA nümayəndələri meydançalarda monitorinq aparıb. Həmin meydançalardan qitə birinciliyinin iştirakçısı olacaq komandalar məşq üçün faydalanacaqlar. Bu meydançalar artıq mühüm əhəmiyyət kəsb edir. Biz istəyirik ki, meydançaların yaxşı vəziyyətdə qalmasına diqqət artırılsın. Bir meydançanın saxlanması üçün aylıq 7 min manat tələb olunur, 6 meydançaya ümumilikdə 42 min manat xərclənilir. Bu ilsə il ərzində 500 min manat deməkdir. Bundan əlavə işıq və su da var. Yay aylarında meydançaların sulanması üçün 23-25 min manatlıq enerji sərf olunur. Bir illik məbləğ isə 200 min manata bərabərdi. Bir sözlə, meydançaların ideal vəziyyətdə qalması üçün 800 min manat tələb olunur. Hafiz Məmmədov bu meydançaları inşa edəndə ölkə futbolunun imicini nəzərə alıb”.

“Bakı” rəsmisi akademiyada futbolun sirlərinə yiyələnən uşaqlardan da söz açıb: “Akademiyada 300 nəfər uşaq var. Onlardan 30-u daimi olaraq bazada qalırlar. Bunların hamısı böyük vəsait tələb edir. Bu xərcələrin futbolun inkişafına dair hazırlanacaq yeni dövlət proqramında yer almasını təklif edirik. Bununla bağlı təkliflər paketi hazırlayacağıq”.

Yaşar Seyidov baş məşqçi İbrahim Uzunca ilə aralarında yaşanan problemdən də söz açıb: “Bakı”da son yaşananlar haqda mətbuatda çox yazıldı. Mən buna heç bir reaksiya vermədim. Hər şey Uzuncanın maaş məsələsi ilə əlaqədardı. Uzuncanın maaşı “Bakı”nın bütün əvəzedici heyətinin xərcinə bərabərdi. Turnir cədvəlində autsayder olsaq da, bu günə kimi İbrahim Uzuncaya 53 min dollar pul ödəmişik. Onun aylıq maaşı 10 min dollar idi. Əvvəl dolların kursuna uyğun olaraq biz ona 8 min manat ödəyirdik. Devalvasiyadan sonra isə İbrahim Uzunca narazılıq elədi və bildirdi ki, maaş 10500 manat olmalıdı. Mən isə bu məsələ ilə bağlı Hafiz müəllimə etriazımı bildirdim. O isə humanist davranaraq 10500 manatın hamısının ödənilməsini istədi. Futbolçunun 500 manat aldığı komandada, məşqçinin 10500 alması düzgündürmü? Premyer Liqada çempionluğa oynayan "Neftçi"nin, "İnter"in baş məşqçiləri heç bu qədər maaş almır. Sonra Uzunca çıxıb mətbuata sadiqlikdən dəm vurur. Belə sadiqlik olmur. İnsan xarakterli və əqidəli olmalıdı. İkinci məsələ isə İbrahim Uzuncanın köməkçisinin kateqoriyası ilə bağlıdı. O, C kateqoriyasına sahib məşqçidi, yalnız 10-12 yaşlı uşaqlara məşq keçə bilər. Həmin adam bizdən 2500 manat maaş alır. Lakin PRO kateqoriyası olan Adil Şükürov 600 manat pula işləyirdi. O, "Bakı"nın U-17 komandasını həm çempion edib, həm də Azərbaycan kubokunu qazanıb. Uzunca onu özünə köməkçi gətirsəydi, nə olardı ki? Niyə öz mütəxəssislərimizi qiymətləndirmirik ki? O, Hafiz Məmmədovun ürəyiyumşaqlığından klub naminə yox, öz məqsədləri üçün istifadə edir. Bu nə dərəcədə doğrudu? Uzucanın otağının qapısı bağlanmayıb. Sadəcə futbolçular oyuna çıxmasaydılar, ora ehtiyat komandanı gətirmişdik. Futbolçunun mənim haqda açıqlamasına gəlincə, bu vaxta kimi Şəhidlər Xiyabanına getməyən insandan nə gözləyirsiniz ki? Xəlil Rza Ulutürkü, onun vətən uğrunda həlak olan oğlu Təbrizi, milli azadlıq hərəkatının öncüllərindən olan şəxsləri tanımamaq hər bir azərnbaycanlı vətəndaş üçün qəbahətdi.Xəlil Rza Ulutürkü, onun vətən uğrunda həlak olan oğlu Təbrizi, milli azadlıq hərəkatının öncüllərindən olan şəxsləri tanımamaq hər bir azərnbaycanlı vətəndaş üçün qəbahətdi. Həmin adam mətbuatda açıqlama verirdi ki, "Bakı"da futbolçuya qul kimi baxırlar. 10 gün sonra isə dediklərini klubun televiziyasında təkzib etdi. İnsan əqidəli olmalıdır. Futbolçular isə artıq ailənin sirlərini mətbuata ötürür".




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31