29 Mart 2024, Cümə
Ağabala Ramazanov qayıtdı - FOTO
"Zirə"dən ardıcıl 15-ci qələbə
“Səbail”in hücumçusu: 1 qol, 2 qələbə
U-21 millimiz Ukraynaya da uduzdu

Ölkə futbolu

“Neftçi” - “Qarabağ” oyununda mövsümün rekordu

Azərbaycan Premyer Liqasının 23-cü turunun “Neftçi” - “Qarabağ” oyunu azarkeş sayında iki rekord vurub. Futbolxeber.az-ın məlumatına görə, 4500 tamaşaçı toplayan qarşılaşmada çempionatda mövsümün ikinci yarısının ən yüksək göstəricisi qeydə alınıb. Belə ki, 2015-ci ilə təsadüf edən 5 turun 20 oyunundan heç birində bu qədər azarkeşə rast gəlinməyib. Bu görüşədək rekord 20-ci turun “Xəzər Lənkəran” - “İnter” görüşünə məxsus idi - 2500 tamaşaçı.

“Bakcell Arena”da qeydə alınan 4500 nəfərlik auditoriya həm də mövsümün Bakıda keçirilən qarşılaşmaları üçün ən yüksək göstəricidir. Belə ki, cari çempionatda paytaxtda baş tutan matçlarda bu qədər tamaşaçıya təsadüf olunmamışdı. Bunadək rekord 15-ci turunun “Qarabağ” - “Neftçi” matçında qeydə alınmışdı. Tofiq Bəhramov adına Respublika stadionundakı görüşü 3000 izləyici seyr etmişdi.

Ümumiyyətlə isə nəticəsi ləğv olunan qarşılaşmaları nəzərə almasaq mövsümün yalnız 5 oyununda “Bakcell Arena”dakından daha çox tamaşaçı qeydə alınıb. Bu matçların hamısı Lənkəranda baş tutub. Çempionatın rekordu isə 2-ci turun “Xəzər Lənkəran” - “Sumqayt” görüşüdür - 8500 tamaşaçı.

Qeyd edək ki, “Neftçi” - “Qarabağ” oyununda qonaqlar 1:0 hesabı ilə qalib gəlib.


pfl.az


Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31