AFFA: “Ramil Şeydayev yalan danışır”

AFFA artıq bir müddətdir ki, “Zenit”in əsas heyətinə cəlb edilən, son zamanlar isə Rusiyanın U-21 millisinə dəvət alan Ramil Şeydayevi Azərbaycan yığmasına cəlb etmək üçün çalışır. Futbolxeber.az saytına bu haqda AFFA-dan məlumat verilib.

Assoasiya rəsmiləri Şeydayevin yalanını üzə çıxarıblar: “Müəyyən müddətdir ki, Ramil Şeydayevin özü ilə də, atası ilə danışıqlar aparılır. Həm futbolçunun, həm də atasının mövqeyi belədir ki, Ramil Şeydayev nə qədər ki, Rusiyanın yığmasına cəlb edilir, o müddətdə də Azərbaycan millisinin formasını geyməyəcək. Şeydayev yalnız Rusiya millisinə dəvət almadığı halda Azərbaycanın şərəfini qoruya bilər. Futbolçunun bir müddət əvvəl Azərbaycandan heç bir təklif almadığı barədə açıqlaması yalandır. AFFA tərəfi Şeydayev hələ Rusiyanın U-17 millisində forma geydiyi vaxtdan onunla maraqlanır”.